જામનગરમાં દિગ્વિજય પ્લોટ વિસ્તારમાંથી એક રીક્ષા ચાલક અને સફાઈ કામદાર IPL ની ક્રિકેટ મેચ પર જુગાર રમતાં પકડાયા

image : Freepik

IPL Cricket Gambling in Jamnagar :જામનગરમાં દિગ્વિજય પ્લોટ વિસ્તારમાંથી પોલીસે જાહેરમાં પોતાના મોબાઈલ ફોનમાં ડાઉનલોડ કરેલી આઈડી મારફતે આઈ.પી.એલ. ની ક્રિકેટ મેચ પર રન ફેરનો જુગાર રમી રહેલા એક રીક્ષા ચાલક તથા એક સફાઈ કામદારને ઝડપી લીધા છે, ત્યારે તેઓ સાથે સોદાની કપાત કરનાર એક બુકીને ફરાર જાહેર કરાયો છે.

 જામનગરમાં દિગ્વિજય પ્લોટ વિસ્તારમાં બે શખ્સો મોબાઈલ ફોનમાં આઈપીએલની ક્રિકેટ મેચ પર જુગાર રમી રહ્યા છે, તેવી બાતમીના આધારે સીટી એ. ડિવિઝન પોલીસે દરોડો પાડયો હતો, અને વિપુલ ઉર્ફે બાઠીયા અમૃતલાલ ગોરી નામના રીક્ષા ચાલક તેમજ મહેશ રામજીભાઈ મકવાણા નામના સફાઈ કામદારને ઝડપી લીધા હતા.

 જે બંને પાસેથી રોકડ રકમ અને મોબાઈલ ફોન કબજે કર્યો છે. પોલીસની પૂછપરછ દરમિયાન તેઓ બુકીના મોબાઈલ પર ક્રિકેટના સોદાની કપાત કરતા હોવાથી તે મુખ્ય બુકીને ફરાર જાહેર કરાયો છે, અને તેની શોધખોળ હાથ ધરી છે.