જામનગરના સિક્કા પોલીસ સ્ટેશનના સ્ટાફ દ્વારા સતત બીજા દિવસે ઈંગ્લીશ દારૂ અંગે દરોડો

image : Freepik

- બેડ ગામના પાટીયા પાસેથી ઇકો કારમાં લઈ જવાતો 117 નંગ ઇંગ્લિશ દારૂની બાટલીનો જથ્થો કબજે કરાયો કારચાલકની અટકાયત

જામનગર,તા.20 જાન્યુઆરી 2024,શનિવાર

જામનગર તાલુકાના સિક્કા પોલીસ સ્ટેશનના સ્ટાફે ગઈકાલે સતત બીજા દિવસે પણ ઈંગ્લીશ દારૂ અંગે દરોડો પાડ્યો હતો, અને બેડ ગામના પાટીયા પાસેથી એક કારમાં લઈ જવાતો 117 નંગ ઇંગ્લિશ દારૂની બાટલી નો જથ્થો અને કાર કબજે કરી લઇ કારચાલકની અટકાયત કરી છે, જ્યારે તેની પૂછપરછમાં દારૂના સપ્લાયર નું નામ ખુલ્યું છે.

 સિક્કા પોલીસ સ્ટેશનના સ્ટાફે ગઈકાલે બેડ ગામના પાટીયા પાસે વોચ ગોઠવી જીજે 10- ડી.ઇ.9730 નંબરની ઇકો કારને અટકાવી હતી, અને તેની તલાસી લેતાં અંદરથી 117 નંગ ઇંગ્લિશ દારૂની બાટલીનો જથ્થો મળી આવ્યો હતો. આથી પોલીસે કાર અને દારૂ સહિત રૂપિયા 2.68 લાખની માલમતા કબજે કરી લીધી છે, અને કારના ચાલક ખંભાળિયા પંથકના સલીમ ઈસુબભાઈ ખીરા ની અટકાયત કરી લીધી છે.

 પોલીસની પૂછપરછ દરમિયાન ઉપરોક્ત દારૂનો જથ્થો જામનગરના કનકસિંહ દાદુભા જાડેજા પાસેથી મેળવ્યો હોવાનું કબૂલતાં તેને ફરાર જાહેર કરી શોધખોળ હાથ ધરી છે.