જામનગર નજીક ગોરધનપર ગામમાં સિક્કા પોલીસનો જુગાર અંગે દરોડો : ચાર જુગારીઓ પકડાયા

Gambling Raid in Jamnagar : જામનગર તાલુકાના ગોરધનપર ગામમાં સિક્કા પોલીસે ગઈકાલે મોડી સાંજે જુગાર અંગે દરોડો પાડ્યો હતો, અને ચાર જુગારીઓની અટકાયત કરી લઈ તેઓ પાસેથી રોકડ રકમ અને જુગારનો સામાન કબજે કર્યો છે.

સિક્કા પોલીસ સ્ટેશનના પો.સબ.ઇન્સ. આર.એચ.બારની સુચનાથી પોલીસ સ્ટાફના પો.હેડકોન્સ. ચંદ્રકાંતભાઈ ગાંભવા, પો.કોન્સ મહેશભાઇ અઘારા તથા બાબુભાઇ ઝાલા વગેરેએ પૂર્વ બાતમીના આધારે ગોરધનપર ગામમાં દરોડો પાડી જાહેરમાં ગંજીપાના વડે હરજીતનો જુગાર રમી રહેલા કાનજીભાઇ માધાભાઈ મકવાણા, ભારાભાઈ કરશનભાઈ જોગાણી, કનૈયાભાઈ ભગવાનજીભાઇ પરમાર અને કૌશીકભાઈ રમેશભાઈ સદાદીયાની અટકાયત કરી લઇ તેઓ પાસેથી રૂપિયા 13,280 ની રોકડ રકમ તેમજ જુગારનો સામાન કબજે કર્યો છે.