જામજોધપુરના બાલવા ફાટક ચેક પોસ્ટ પાસેથી દેશી બંદૂક સાથે એક શખ્સની અટકાયત

જામનગર જિલ્લાના જામજોધપુર પંથકમાંથી એક શખ્સને દેશી બનાવટની જામગરી બંદુક સાથે જામજોધપુર પોલીસે ઝડપી લીધો છે, અને તેની સામે હથિયાર ધારા ભંગ બદલ ગુનો નોંધ્યો છે.

જામજોધપુરના પી.આઇ. વાય. જે. વાઘેલા., પી.એસ.આઇ એમ.એલ ઓડોદરા અને સ્ટાફના પ્રજ્ઞરાજસિંહ જાડેજા, સંજયભાઈ કરંગીયા અને મનોહરસિંહ જાડેજા દ્વારા પેટ્રોલિંગ કરવામાં આવી રહ્યું હતું, જે દરમિયાન બાલવા ફાટક ચેક પોસ્ટ પાસેથી પસાર થઈ રહેલા જામજોધપુરના વેરાવળ ગામના હુસેન અહમદભાઈ રાવકડા નામના શખ્સને અટકાવીને તેની તલાસી લેતાં તેના કબજા માંથી દેશી બનાવટની જામગરી બંદૂક -તમંચો મળી આવ્યો હતો. 

જેથી પોલીસ દ્વારા તેની અટકાયત કરી લઈ તમંચો કબજે કરાયો છે, જ્યારે તેની સામે જામજોધપુર પોલીસ મથકમાં હથિયાર ધારા ભંગ અંગેનો ગુનો નોંધવામાં આવ્યો છે.