જામનગર અને દરેડમાં જુગાર રમતા નવ શખ્સો ઝડપાયા

Jamnagar Gambling Crime : જામનગર અને દરેડમાં ઘોડીપાસા તથા તીનપતી નામનો જુગાર રમતા નવ શખ્સને પોલીસે દરોડા દરમ્યાન ઝડપી લઈ સ્થળ પરથી રૂ.33 હજારની રકમ કબ્જે કરી ધોરણસરની કાર્યવાહી આરંભી હતી.

 જામનગરના ગુલાબનગર વિસ્તારમાં ક્રિષ્ના પાર્ક પાસે જાહેરમાં ઘોડીપાસા વડે જુગાર રમતા રહીમ ઈબ્રાહિ ખીરા, અબ્દુલકાદિર અલાઉદીન વારિયા, સોહિલ અલ્લારખા ખીરા, અકબર ઈકબાલ મકવાણા અને અકરમ કાસમ દરજાદા નામના પાંચ શખ્સને સિટી બી પોલીસે રૂા. 21,100ની રોકડ રકમ સાથે ઝડપી લીધા હતા.

 જામનગરના દરેડ ઔદ્યોગિક વિસ્તારમાં મહાવીર સર્કલ પાસે જાહેરમાં ગંજીપતાના પાના વડે તીનપતી નામનો જુગાર રમતા મુકેશ માતાપ્રસાદ જાટવ, મહેન્દ્ર સંતરામ જાટવ, બિપીન મુન્નાભાઈ જાટવ અને શ્યામ શ્રીનંદા જાટવ નામના ચાર શખ્સને પંચ બી પોલીસે રૂપિયા 11,900ની રોકડ રકમ સાથે ઝડપી લીધા હતા.