જામનગરમાં જૈન સમાજનાં તપસ્વીઓનાં સામૂહિક પારણાં અને વરઘોડો

- સ્ટે. કમિટી ચેરમેન સહિતનાં અગ્રણીઓની ઉપસ્થિતિ

જામનગર,તા.20 સપ્ટેમ્બર 2023,બુધવાર

જામનગરમાં પર્યુષણ પર્વ દરમ્યાન ઉપવાસ તપસ્યા કરનાર જૈન સમાજનાં તપસ્વીઓનાં સામૂહિક પારણાંનો કાર્યક્રમ તંબોલી માર્કેટ પાસે આવેલ અમૃત વાડીમાં યોજાયો હતો. સ્થાનકવાસી જૈન સમાજ ચાંદીબજારનાં 29 તપસ્વી, જૈન પ્રવાસી ગૃહનાં 12 તપસ્વી, કે.ડી.શેઠ દેરાસરનાં 27 તપસ્વી, પટેલ કોલોની દેરાસરનાં 6 તપસ્વી, રણજીતનગર દેરાસરનાં 29 તપસ્વી, તેજપ્રકાશ સોસાયટી દેરાસરનાં 8 તપસ્વી તથા સાધના કોલોની દેરાસરનાં 2 તપસ્વી સહિત 100 થઈ વધુ તપસ્વીઓનાં સામૂહિક પારણાંનો કાર્યક્રમ યોજાયો હતો.

જામ્યુકોનાં સ્ટે.કમિટી ચેરમેન નિલેશભાઇ કગથરા સહિતનાં અગ્રણીઓ આ પ્રસંગે ઉપસ્થિત રહ્યા હતાં. ચાંદી બજારથી તપસ્વીઓનો વરઘોડો પણ નીકળ્યો હતો જે વિવિધ માર્ગો પર પરીભ્રમણ કરી ચાંદી બજારે જ પૂર્ણ થયો હતો.