લાલપુર તાલુકાના સેતાલુસ ગામનો એક શખ્સ એસ.ઓ.જી.ના હાથે ગેરકાયદે હથિયાર તમંચા સાથે પકડાયો

જામનગર માં રહેતા એક શખ્સને દેશી બનાવટના તમંચા સાથે એસ.ઓ.જી. ની ટુકડીઓ ઝડપી લીધો છે, અને તેની સામે હથીયાર ધારા ભંગ બદલ ગુનો નોંધ્યો છે.

આ દરોડા ની વિગત એવી છે કે જામનગર તાલુકાના સેતાલુસ ગામમાં રહેતો કાદર દાઉદમિયા મુલ્લા કે જે પોતાના કબજામાં ગેરકાયદે હથિયાર તમંચો લઈને જાહેરમાં નીકળેલ છે, તેવી ચોક્કસ બાતમી ના આધારે એસ.ઓ.જી. શાખા ની ટુકડીએ કાનાલુસ ગામના રોડ પર વોચ ગોઠવી હતી.

જે દરમિયાન આરોપી કાદર દાઉદમિયા ત્યાંથી હથિયાર સાથે પસાર થતાં તેને ઝડપી લીધો હતો, અને તેની પાસેથી રૂપિયા 5,000 ની કિંમત નો દેશી બનાવટનો તમંચો કબજે કરી લીધો છે. જેની સામે હથીયાર ધારા ભંગ બદલ ગુનો નોંધવામાં આવ્યો છે.