દિલ્લીમાં ભાજપની બેઠકમાં જામનગર શહેર-જિલ્લાનાં આગેવાનો જોડાયા

જામનગર, તા. 18 ફેબ્રુઆરી 2024, રવિવાર

દિલ્હીમાં ગઈકાલથી ભાજપની બે દિવસની રાષ્ટ્રીય કાર્યકારીણીની બેઠક યોજાઈ છે. જેમાં જામનગર શહેર-જિલ્લા ના ભાજપ આગેવાનો પણ ઉપસ્થિત રહ્યા હતા. દિલ્હીના ભારત મંડ૫મમાં ગઈકાલથી ભાજપની બે દિવસની રાષ્ટ્રીય કાર્યકારીણીની બેઠક યોજાઈ છે.

જામનગરના સાંસદ પૂનમબેન માડમ, મેયર વિનોદ ખીમસૂર્યા, ડેપ્યુટી મેયર ક્રિષ્નાબેન સોઢા, શહેર પ્રમુખ ડો. વિમલ કગથરા, જિલ્લા પ્રમુખ રમેશભાઈ મુંગરા, ધારાસભ્યો દિવ્યેશ અકબરી, મેઘજીભાઈ ચાવડા, રિવાબા જાડેજા, જામનગરના પ્રભારી પલ્લવીબેન ઠાકર, પૂર્વ મંત્રીઓ આર સી ફળદુ અને ધર્મેન્દ્રસિંહ જાડેજા પણ આ બેઠકમાં ભાગ લેવા દિલ્હી પહોંચ્યા હતા. અને બેઠકમાં ભાગ લીધો હતો.

પ્રથમ દિવસે ભાજપના રાષ્ટ્રીય અધ્યક્ષ જે.પી. નડ્ડાએ માર્ગદર્શન આપ્યું હતું, જ્યારે આજે રવિવારે વડાપ્રધાન નરેન્દ્ર મોદી બેઠકમાં ઉપસ્થિત રહેશે. અને જરૂરી માર્ગદર્શન આપશે. ખાસ કરીને આગામી લોકસભાની ચૂંટણી ને ધ્યાનમાં રાખીને બેઠકમાં ચર્ચા પણ થઈ રહી છે.