જામનગરમાં સિક્કાના પરિવારની વિખૂટી પડેલી બાળકીનું પરિવાર સાથે મિલન કરાવતી જામનગર પોલીસ

જામનગર,તા.10 ફેબ્રુઆરી 2024,શનિવાર

જામનગર જીલ્લાના સિક્કા ગામ થી જામનગર શહેરના બર્ધન ચોક વિસ્તારમાં ખરીદી કરવા આવેલા માતા કાકા તથા નાની સાથે ખરીદી કરતી વખતે માત્ર 3 વર્ષ ની 'ઇસા' નામની બાળકી પરિવાર થી વિખૂટી પડી ગઇ હતી. 

દરમિયાન બર્ધન ચોક વિસ્તારમાં એક દુકાનમાં કામ કરતા એજાજ સુમરાને એકલી મળી આવી હતી. જેથી એજાજ સુમરા દ્વારા સિટી-એ ડિવિઝન પોલીસ સ્ટેશને રૂબરૂ જઇને સંપર્ક કર્યો હતો. ત્યારબાદ, ગણતરીના કલાકોમાં જ જામનગર સિટી-એ ડિવિઝન પોલીસ સ્ટેશનના પી.આઇ. એન.એ.ચાવડાના માર્ગદર્શન હેઠળ સર્વેલન્સ ટીમ અને સી-ટીમ દ્વારા પરિવારને સોધી કાઢીને વિખૂટી પડેલી બાળકી 'ઇસા' ને તેના પરિવાર સાથે મિલન કરાવીને સિટી-એ ડિવિઝન પોલીસે સરાહનિય કામગીરી કરી હતી.