જામનગર : લાલપુર નજીક પડાણા ગામના સ્મશાન પાસેથી પરપ્રાંતિય યુવાનનો મૃતદેહ સાંપડ્યો

Dead Body Found in Jamnagar : જામનગર જિલ્લાના લાલપુર તાલુકાના પડાણા ગામના સ્મશાનના પાછળના ભાગમાંથી એક પરપ્રાંતિય યુવાનનો મૃતદેહ મળી આવ્યો છે. જેનો કબજો સંભાળી મેઘપર પડાણા પોલીસે વધુ તપાસ હાથ ધરી છે.

 મૂળ બિહારના વતની અને હાલ લાલપુર તાલુકાના પડાણા ગામમાં જશુભા કાથળજીભાઈના મકાનમાં ભાડેથી રહેતા અને મજૂરી કામ કરતા શિવશંકર રામાકાંતભાઈ મિશ્રા નામના 47 વર્ષના પરપ્રાંતિય યુવાનનો મૃતદેહ પડાણા ગામના સ્મશાનના પાછળના ભાગમાંથી મળી આવ્યો હતો. જે બનાવ અંગે મૃતકના પુત્ર રોશન કુમાર મિશ્રાને પોલીસને જાણ કરતાં મેઘપરના પોલીસ હેડ કોન્સ્ટેબલ બનાવના સ્થળે પહોંચી ગયા હતા, અને મૃતદેહનો કબજો સંભાળી જામનગરની સરકારી જી.જી.હોસ્પિટલમાં પોસ્ટ મોર્ટમ કરાવાયું છે, અને સમગ્ર બનાવ અંગે વધુ તપાસ હાથ ધરી છે.