જામનગરમાં ઔદ્યોગિક એકમો મકરસંક્રાંત અને શ્રી રામ મંદિર પ્રાણ પ્રતિષ્ઠા મહોત્સવનાં દિને બંધ પાળશે

image : Freepik

- બંને પર્વનાં આગલા શુક્રવારે એકમો ચાલુ રહેશે

જામનગર,તા.3 જાન્યુઆરી 2023,બુધવાર

જામનગર ફેકટરી ઓનર્સ એસોસિએશન દ્વારા મકરસંક્રાંત પર્વ અને અયોધ્યામાં શ્રી રામ મંદિરનાં પ્રાણ પ્રતિષ્ઠા મહોત્સવનાં પર્વને ધ્યાને લઇ આ બંને શુભ દિને ઔદ્યોગિક એકમોમાં રજા રાખવાનો નિર્ણય લેવામાં આવ્યો છે.

તા.14-1 ને રવિવારે મકરસંક્રાંતનાં દિને રજા રહેવાની હોય એ પહેલાનાં શુક્રવાર તા. 12-1 નાં ઔદ્યોગિક એકમો(કારખાના) ચાલુ રાખવામાં આવશે.

તા.22/1 ને સોમવારે અયોધ્યામાં શ્રી રામ મંદિર પ્રાણ પ્રતિષ્ઠા મહોત્સવનાં પાવન અને ઐતિહાસિક દિને પણ રજા રહેવાની હોય એ પહેલાનાં શુક્રવારે તા.19/1 નાં ઔદ્યોગિક એકમો ચાલુ રાખવામાં આવશે.

તમામ ઉદ્યોગકારો તથા કામદારોને રજાનાં દિવસોમાં ફેરફારની નોંધ લેવા તથા નિર્ણયને અનુસરવા જામનગર ફેકટરી ઓનર્સ એસોસિએશનનાં હોદ્દેદારો દ્વારા અનુરોધ કરવામાં આવ્યો છે.