જામનગર નજીક નાઘેડીમાં રહેતા યુવાને પ્રેમલગ્ન કર્યા પછી પ્રેમિકાના પરિવારજનોએ યુવાન, માતા-પિતા તથા ભાઈ પર હુમલો કર્યો

Crime News Jamanagr : જામનગર તાલુકાના નાઘેડી ગામમાં રહેતા એક યુવાનને પ્રેમ કરવો ભારે પડ્યો છે. પ્રેમિકાના પિતા, ભાઈ, મામા સહિતના આરોપીઓએ ઘરમાં ઘૂસી આવી હંગામા મચાવ્યો હતો, અને પ્રેમી યુવાન, તેના ભાઈ, અને માતા પિતા પર હુમલો કરી દેતાં ચારેયને હોસ્પિટલમાં સારવાર અપાઈ રહી છે. જ્યારે પ્રેમિકાનું અપહરણ કરી જતાં જેમામલે પંચકોસી બી. ડિવિઝન પોલીસ મથકમાં ફરિયાદ નોંધાવી છે.

 આ ફરિયાદ અંગેના બનાવની વિગત એવી છે કે જામનગરમાં નજીક નાઘેડીમાં રહેતા અને ફર્નિચરનું કામ કરતા હાર્દિક ભીખુભાઈ ધોકીયા નામના પ્રજાપતિ કુંભાર યુવાને તાજેતરમાં જ નાઘેડીમાં રહેતા હાજાભાઇ આલાભાઇ આંબલીયાની પુત્રી રીનાબેન સાથે પ્રેમ લગ્ન કરી લીધા હતા.

જે રીનાબેનના પરિવારોને મંજૂર ન હોવાથી ગઈકાલે રીનાબેનના પિતા હાજાભાઇ આલાભાઇ આંબલીયા, તેમજ ભાઈ રાહુલ હાજાભાઈ આંબલીયા, અને રાહુલના મામા તથા અન્ય જ્યારથી પાંચ લોકોનું ટોળું કારમાં બેસીને પ્રજાપતિ યુવાનના ઘેર પહોંચ્યું હતું, અને ત્યાં હંગામો મચાવ્યો હતો.

રીનાબેનના પિતા હાજાભાઇ સહિતના લોકોએ ધોકા પાઇપ જેવા હથિયાર વડે પ્રેમી યુવાન હાર્દિક પર હુમલો કર્યો હતો. જેને છોડાવવા માટે વચ્ચે પડેલા હાર્દિકના પિતા ભીખુભાઈ, ઉપરાંત તેના માતા અને ભાઈ ઉપર પણ હુમલો કરી દેવાયો હતો. તેથી ચારેયને સારવાર માટે જામનગરની જી.જી. હોસ્પિટલમાં ખસેડવામાં આવ્યા છે.

ઉપરોક્ત તમામ આરોપીઓ કે જેઓએ રીનાબેનને રૂમમાં બંધ કરીને રાખી હતી, તે રૂમનો દરવાજો તોડીને બળજબરીપૂર્વક અપહરણ કરી ગયા હતા. તેથી તમામ આરોપીઓ સામે હાર્દિક ધોકિયાએ ફરિયાદ નોંધાવી છે. અને પંચકોશી બી.ડિવિઝન પોલીસે તમામ આરોગ્ય સામે આઇપીસી કલમ 365, 427, 452, 323, 504, 506-2, 3, 4, 143, 147, 148 તેમજ જીપીએકટ કલમ 135-1 મુજબ ગુનો નોંધ્યો છે, અને તમામ આરોપીઓની શોધખોળ હાથ ધરી છે.