જામનગર નજીક ઠેબા ગામમાંથી બે મહિલા સહિત ચાર પત્તાપ્રેમીઓ જુગાર રમતાં પકડાયા

Image Source: Freepik

જામનગર તાલુકાના ઠેબા ગામમાંથી ગંજીપાના વડે જુગાર રમી રહેલી બે મહિલા સહિત ચાર પત્તા પ્રેમીઓની પોલીસે અટકાયત કરી લઇ તેઓ પાસેથી રોકડ રકમ અને જુગારનું સાહિત્ય કબજે કર્યું છે.

જામનગર નજીક ઠેબામાં રહેતી હશીનાબેન ફારુકભાઈ શેખ નામની મહિલા અને જામનગરમાં સાધના કોલોની માં રહેતી જીન્નતબેન નૂરમામદ શેખ કે જેઓ ઠેબા ગામમાં નૂરમામદ અલીભાઈ શેખ અને ઈમ્તિયાઝ ઇશાકભાઈ શેખ નામના અન્ય બે પુરુષો સાથે ગંજી પાના વડે જુગાર રમતાં મળી આવ્યા હતા. પોલીસે ચારેય ની અટકાયત કરી લઇ તેઓ પાસેથી રૂપિયા 4,370ની રોકડ રકમ અને જુગારનું સાહિત્ય કબજે કર્યું છે.

જામનગરમાં દિગ્વિજય પ્લોટ શેરી નંબર 58માં રહેતા મોહનલાલ ઉર્ફે મામા પરસોત્તમભાઈ મંગે નામના 76 વર્ષના બુઝુર્ગ જાહેરમાં વરલી મટકાના આંકડા લખવા અંગે પોલીસના હાથે ઝડપાઈ ગયા છે. તેઓ પાસેથી રૂપિયા 4,560ની રોકડ રકમ અને જુગારનું સાહિત્ય કબજે કર્યું છે.