જામનગરમાં દિગ્વિજય પ્લોટ વિસ્તારમાં જુગાર રમી રહેલી ત્રણ મહિલા સહિત ચારની અટકાયત

જામનગર,તા.14 ઓક્ટોબર 2023,શનિવાર

જામનગરમાં દિગવીજય પ્લોટ વિસ્તારમાં પોલીસે જુગાર અંગે દરોડો પાડી ગંજીપાના વડે જુગાર રમી રહેલી ત્રણ મહિલા સહિત ચારની અટકાયત કરી લઇ રોકડ રકમ તેમજ જુગારનું સાહિત્ય કબજે કર્યું છે.

 જામનગરના દિગ્વિજય પ્લોટ શેરી નંબર 61 માં એલસીબી ની ટીમે જુગાર અંગે દરોડો પાડી જાહેરમાં ગંજી પાના વડે જુગાર રમી રહેલી શાંતાબેન પરસોત્તમભાઈ શેઠીયા, સતીબેન મહેશભાઈ ચાવડા, મંજુબેન કિશોરભાઈ રાંદલપરા, તેમજ રામભાઈ પોલાભાઈ વસરા સહિત ચાર ની અટકાયત કરી લઈ તેઓ પાસેથી રૂપિયા 72,500 ની માલ મતા કબજે કરી છે.