જામનગરમાં ગણેશ મહોત્સવ અને ઈદ-એ-મિલાદના તહેવારને લઈને પોલીસ દ્વારા ફુટ પેટ્રોલીંગ કરાયું

જામનગર,તા.28 સપ્ટેમ્બર 2023,ગુરૂવાર

જામનગર શહેરમાં આજે ગુરૂવાર ના રોજ ઈદ-એ-મિલાદ નો તહેવાર હોય તેમજ આ સાથે જ ગણેશ વિસર્જન હોઇ પોલીસ દ્વારા ચૂસ્ત પોલીસ બંદોબસ્ત જાળવવામાં આવી રહ્યો છે. 

આ દરમ્યાન જામનગર શહેરના સિટી-એ ડિવિઝન પોલીસ સ્ટેશન ના સંવેદનશીલ વિસ્તારોમાં જેમકે બર્ધન ચોક વિસ્તાર, માંડવી ટાવર વિસ્તાર, ચાંદી બજાર વિસ્તાર, પાંચ હાટડી વિસ્તાર, ગુજરાતીવાડ વિસ્તાર અને પટણીવાડ વિસ્તારમાં જામનગર શહેર વિભાગ ના નાયબ પોલીસ અધિક્ષક જયવીરસિંહ ઝાલા, સિટી-એ ડિવિઝન પોલીસ સ્ટેશનના પી.આઇ. એન.એ.ચાવડા, એલસીબી શાખાના પીઆઇ જે.વી.ચૌધરી, સર્વેલન્સ સ્કવોડના પીએસઆઇ બી.એસ.વાળા, દરબારગઢ પોલીસ ચોકીના પીએસઆઇ વી.આર.ગામેતી સહિત સ્ટાફ દ્વારા ફુટ પેટ્રોલિંગ કરવામાં આવ્યું હતું.