જામનગરના શાપર ગામમાંથી જુગાર રમવાના શોખીન બે દંપત્તિ સહિત પાંચ સ્ત્રી પુરુષો ઝડપાયા

Jamnagar Gambling News : જામનગર તાલુકાના શાપર ગામમાં સિક્કા પોલીસે જુગાર અંગે દરોડો પાડી ગંજીપાનાનો જુગાર રમવાના શોખીન એવા બે દંપત્તિ સહિત પાંચ સ્ત્રી પુરુષોને ઝડપી લીધા છે, અને જુગારનો સામાન કબજે કર્યો છે.

 સિક્કા પોલીસ સ્ટેશનના પીએસઆઇ આર.એચ.બાર તેમજ સ્ટાફના જે.એમ.જાડેજા, સી.ટી.પરમાર, વિજયભાઈ કારેણાં વગેરે સ્ટાફને ચોક્કસ બાતમી મળી હતી કે, શાપર ગામના બે દંપતિ જુગાર રમવાના શોખીન છે, અને ગંજીપાના વડે જાહેરમાં જુગાર રમી રહ્યા છે. જે બાતમીના આધારે જામનગર તાલુકાના શાપર ગામમાં ગઈકાલે જુગાર અંગે દરોડો પાડયો હતો. જયાંથી જાહેરમાં ગંજીપાના વડે જુગાર રમી રહેલા ગૌતમ પેથાભાઇ ભાંભી, ભગવાનજીભાઈ પરબતભાઈ રાઠોડ, મંજુબેન ભગવાનજીભાઈ રાઠોડ અને વિજયાબેન ગૌતમભાઈ ભાંભી નામના બે દંપત્તિઓ ઉપરાંત  નયન મેઘજીભાઈ ભાંભીની અટકાયત કરી લઇ તેઓ પાસેથી રૂપિયા 1700ની રોકડ રકમ અને જુગારનો સામાન કબજે કર્યો છે.