જામનગરમાં એપાર્ટમેન્ટના પાર્કિંગમાં રાખેલા ઇલેક્ટ્રીક બાઈકમાં લાગી આગ : રહેવાસીઓમાં દોડધામ

Fire in E Bike Jamnagar : જામનગરના રણજીત સાગર રોડ પર રઘુવીર પાર્ક સોસાયટીમાં આવેલા શિવધારા એપાર્ટમેન્ટના પાર્કિંગમાં ગઈકાલે રાત્રે 11.30 વાગ્યાના અરસામાં એક ઇલેક્ટ્રીક બાઈકમાં સ્પાર્ક થવાના કારણે આગ લાગી હતી.

સૌપ્રથમ બેટરીમાં આગ લાગવાથી ધુમાડા નીકળવાના શરૂ થયા હતા અને ત્યારબાદ થોડીક ક્ષણોમાં જ આખો પાર્કિંગનો એરીયા ધુમાડાના ગોટે-ગોટા થી છવાઈ ગયો હોવાના કારણે એપાર્ટમેન્ટના રહેવાસીઓમાં ભયનો માહોલ સર્જાયો હતો. અંતમાં બેટરીમાં ભડકો થવાથી આગની જ્વાળાઓ પણ દેખાઈ હતી.  ત્યારબાદ સ્થાનિકોએ પાણીનો મારો ચલાવી આગને બુજાવી દીધી હતી. જેથી સર્વે હાશકારો અનુભવ્યો હતો.