કાલાવડ નિકાવા પાસે ગઈકાલે મોટરકારે હડફેટે લેતા બાઈક ચાલક ખેત શ્રમિકનું મૃત્યુ

Image Source: Freepik

જામનગર, તા. 25 ફેબ્રુઆરી 2024, રવિવાર

જામનગર જિલ્લાનું કાલાવડ તાલુકા નીકાવા  ગામ પાસે ગઈકાલે એક ખેત શ્રમિક બાઇક ચાલક ને મોટરકાર ચાલકે હડફેટે  લેતાં થયેલા ગંભીર અકસ્માતમાં બાઈક ચાલક નું ગંભીર ઈજા થવા ના કારણે મૃત્યુ થયું હતું.

લોધીકા તાલુકાના નગરપીપળીયા ગામમાં એક ખેડૂતની વાડીમાં રહીને ખેત મજૂરી કામ કરતા મુકેશભાઈ નાગલાભાઈ બામણીયા (40)  ગઈકાલે સાંજે  ઘરે થી ખરીદી  કરવા માટે નીકાવા ગામે જવા માટે નીકળ્યા હતા.

તેઓ નિકાવા નજીક થી પસાર થતા હતા, ત્યારે જી. જે. 3 એન. ઈ. - 4364 નંબરની ક્રેટા મોટર કાર ના ચાલકે સામે થી તેમને હડફેટે હતા, અને અકસ્માત થયો હતો. જેમાં ગંભીર ઈજા પામનાર મુકેશ બામણીયા નું મૃત્યુ થયું હતું.

આ બનાવો અંગે મૃતકના પત્ની ચંપાબેન એ મોટરકાર ચાલક સામે પોલીસમાં ફરિયાદ નોંધાવી છે.