જામનગરના બાલાજી પાર્ક વિસ્તારમાં ઝાડ તોડવાના પ્રશ્ન બે પાડોશીઓ વચ્ચે તકરાર: પાડોશી દંપતિ સામે હુમલાની ફરિયાદ

જામનગર,તા.19 માર્ચ 2024,મંગળવાર

જામનગરના બાલાજી પાર્ક વિસ્તારમાં રહેતા બે પાડોશીઓ વચ્ચે ઝાડ તોડવા બાબતે તકરાર થઈ હતી, અને એક મહિલા સહિત બે વ્યક્તિ પર હુમલો કરવા અંગે પાડોશી દંપત્તિ સામે ફરિયાદ નોંધાવાઈ છે.

 આ બનાવની વિગત એવી છે કે જામનગરમાં વુલન મિલ પાછળ બાલાજી પાર્ક-1 માં રહેતી સુભદ્રાબેન સંજયભાઈ કુશવાહા નામની 40 વર્ષની પરપ્રાંતીય મહિલાએ પોતાના ઉપર તેમજ પોતાના પરિવારના સુદ્ધાંશુ પર પાવડો લઈ હુમલો કરવા અંગે પાડોશમાં રહેલા ગિરીશભાઈ જોશી અને તેના પત્ની સામે ફરિયાદ નોંધાવી છે.

 ફરીયાદીના ફળિયામાં બનાવેલા બગીચામાં પાડોશી આરોપી ગીરીશભાઈએ ઝાડ તોડી નાખ્યું હતું, જેથી બંને વચ્ચે તકરાર થઈ હતી, અને આ હુમલો કરાયાનું પોલીસમાં જાહેર થયું છે.