જામનગરમાં ખાનગી કંપનીના બે કર્મચારીઓ ઉપર સહકર્મચારી સહિત ત્રણ શખ્સોએ હુમલો કર્યાની ફરિયાદ

જામનગર નજીક હાપા વિસ્તારમાં આવેલી એક ખાનગી કંપનીમાં કામ કરતા બે કર્મચારીઓને તેની સાથે જ કામ કરતાં અન્ય કર્મચારીને વાહન પર કરવાના મુદ્દે તકરાર થઈ હતી.

જામનગર નજીક હાપામાં આવેલી ખાનગી કંપનીમાં કામ કરતા પ્રદિપસિંહ જાડેજા તેની સાથેના કર્મચારી હિરેનભાઈ નાગર સાથે પોતાની નોકરી પર હતા, જે દરમિયાન તેની સાથેના અન્ય કર્મચારી ફૈઝલ હનીફભાઈ ખફી સાથે વાહન પાર્ક કરવાના મુદ્દે તકરાર થઈ હતી.

જેથી ફૈઝલ ઉસકેરાયો હતો, અને પોતાના અન્ય બે સાગરીતોને બોલાવીને પ્રદિપસિંહ જાડેજા તથા હિરેન નાગર પર હુમલો કરી દીધો હતો. તેથી બંનેને ઇજા થઈ હતી.જે બનાવ અંગે ત્રણેય હુમલાખોરો સામે બેડી મરીન પોલીસ મથકમાં ફરિયાદ નોંધાવાઇ છે.