જામનગરમાં ગોકુલનગર વિસ્તાર તેમજ સમર્પણ સર્કલ વિસ્તારમાંથી બે મોટરસાયકલની ચોરી થયાની ફરિયાદ

image : Freepik

Bike Theft In Jamnagar : જામનગર શહેરમાં વાહન ચોર ટોળકી ફરીથી સક્રિય બની છે, અને શહેરમાંથી વધુ બે મોટર સાયકલની ચોરી થઈ ગયાની ફરિયાદ પોલીસમાં નોંધાવાઈ છે.

 જામનગરમાં ગોકુળ નગર નજીક હરિયા કોલેજ પાસે રોડ પર પાર્ક કરેલું દિલીપભાઈ રણમલભાઈ કેસરિયા નામના યુવાનનું મોટરસાયકલ કોઈ તસ્કરો ચોરી કરીને લઈ ગયાની ફરિયાદ સીટી સી. ડિવિઝન પોલીસમાં નોંધાવાઈ છે.

 આ ઉપરાંત વાહન ચોરીનો બીજો બનાવ સમર્પણ સર્કલ પાસે બન્યો હતો. ત્યાંથી કિશનભાઇ ખીમાભાઈ પીપરીયાની માલિકીનું મોટરસાયકલ કોઈ તસ્કરો ચોરી કરી લઈ ગયાની ફરિયાદ સીટી સી ડિવિઝન પોલીસ મથકમાં નોંધાવી છે. જે મામલે પોલીસ તપાસ ચલાવે છે.