જામનગરમાં નિર્મળ ગુજરાત અન્વયે ધાર્મિક સ્થળ આસપાસ સફાઈ અભિયાન કાર્યક્રમ યોજાયો

જામનગર મહાનગરપાલિકા દ્વારા "નિર્મળ ગુજરાત ૨.૦ કાર્યક્રમ અંતર્ગત આજ રોજ શહેર ના તમામ ૧ થી ૧૬ વોર્ડ માં આવેલ ધાર્મિક સ્થળો આસપાસ સમૂહ સફાઈ નું આયોજન કરવામાં આવ્યું હતું.તેમજ શહેરમાં આવેલ હેરીટેજ સાઈટ, પ્રવાસન સ્થળ, મ્યુઝીયમ આસપાસ સઘન સફાઈ કાર્યક્રમ કરવામાં આવ્યા હતા.

આ કાર્યક્રમમાં નાયબ કમિશનર , સોલીડ વેસ્ટ મેનેજમેન્ટ કાર્યપાલક ઈજનેર , શાખા અધિકારી તેમજ શાખાના કર્મચારીઓ, બહોળા પ્રમાણમાં સ્થાનિક લોકો તેમજ એન.જી.ઓ, વેપારી એસોસિએશન, વેગેરે આ કાર્યક્રમમાં શ્રમદાન માટે જોડાયા હતા. અને શ્રમદાન કરવામાં આવ્યું હતુ.આ કાર્યક્રમ માં આશરે ૩૯૩ જેટલા સ્થાનિક લોકો અને ૪૯૧ સફાઈ કર્મચારી દ્વારા આશરે ૯૮૨ કલાક જેટલું શ્રમદાન આપવામાં આવ્યું હતું.