જામનગર-રાજકોટ ધોરીમાર્ગ પર રોંગ સાઈડમાં આવતી ટ્રાવેલ્સની બસે રિક્ષાને ઠોકર મારતા એક બાળક ઘવાયો

જામનગર,તા.09 ઓક્ટોબર 2023,સોમવાર

જામનગર-રાજકોટ ધોરીમાર્ગ પર હાપા નજીક એક ખાનગી ટ્રાવેલ્સના ચાલકે રોંગ સાઈડમાં બસ ચલાવી રિક્ષાને ઠોકર મારતાં રિક્ષા પલટી ખાઈ જતાં એક બાળકને ઈજાઓ પહોંચી હતી.

આ બનાવની વિગત એવી છે કે ધુંવાવ ગામમાં રહેતા વસીમભાઈ મજીદભાઈ મેમણ ગત તા.05-10 ના રોજ પોતાની રિક્ષામાં પોતાના પુત્ર અરમાન, ભત્રીજા મુજફર અને પાડોશીના પુત્ર અલ્તાફને રિક્ષામાં બેસાડી ગુલાબનગર જમવાનું લેવા માટે નિકળેલ અને જમવાનું લઈને પરત પોતાના ઘરે જઈ રહ્યા હતા. દરમિયાન ટાટા કાર્ગોના શો રૂમ નજીક પહોંચ્યા હતા ત્યારે સામેથી શ્રી ટ્રાવેલ્સ લખેલી બસ નં. જીજે-

03-બીટી-7772 ના ચાલકે બસ રોંગ સાઈડમાં ચલાવી રિક્ષાને ઠોકર મારતાં રિક્ષા પલ્ટી જતાં રિક્ષામાં બેઠેલા તેમના ભત્રીજા મુજફરને માથામાં ઈજાઓ પહોંચતા તાત્કાલિક સારવાર અર્થે જામનગરની સરકારી હોસ્પિટલમાં ખસેડવામાં આવ્યો છે. અને આ અકસ્માત અંગે વસીમભાઈએ પંચકોશી એ. ડીવીઝન પોલીસ મથકમાં ફરિયાદ નોંધાવતા પોલીસે ટ્રાવેલ્સના બસના ચાલક વિરૂધ્ધ ગુનો નોંધી વધુ તપાસ હેડ કોન્સ. સી.ડી.જાટીયા ચલાવી રહ્યા છે.