જામનગરની જી.જી.હોસ્પિટલના પાર્કિંગમાંથી વધુ એક મોટરસાયકલ ચોરાયું

image : Freepik

જામનગર,તા.13 ઓક્ટોબર 2023,શુક્રવાર

જામનગર શહેરમાં વાહન ચોરીનો સીલસિલો ચાલુ રહ્યો છે, અને જી.જી.હોસ્પિટલના પાર્કિંગમાંથી વધુ એક બાઈક ચોરી થઈ ગયું છે.

 મૂળ દેવભૂમિ દ્વારકા જિલ્લાના ખંભાળિયા ગામના વતની અને હાલ જામનગરના સોનલનગર વિસ્તારમાં રહેતા રાજેશભાઈ સામતભાઈ ગઢવી એ ગત 04.10.2023 ના બપોરે 4.00 વાગ્યે પોતાનું બાઈક જી.જી. હોસ્પિટલના પાર્કિંગમાં પાર્ક કર્યું હતું, અને પોતે હોસ્પિટલમાં પોતાના સગા દર્દીને મળવા માટે ગયા હતા, ત્યાંથી 15 મિનિટ બાદ તેઓ પરત ફરતાં તેઓનું બાઈક ગાયબ થઈ ગયું હોવાનું ધ્યાનમાં આવ્યું હતું. જેથી મામલો સીટી બી. ડિવિઝન પોલીસમાં લઈ જવાયો છે, અને બાઈકની ચોરી થઈ જવા અંગે પોલીસ ફરિયાદ નોંધાવાઇ છે.