ધ્રોલ પોલીસ સ્ટેશનના બે વર્ષ પહેલાંના ગુન્હાનો નાસતો ફરતો આરોપી લીંબડીમાંથી ઝડપાયો

જામનગર,તા.29 મે 2023,સોમવાર

જામનગર જિલ્લાના ધ્રોલ પોલીસ સ્ટેશનના બે વર્ષ પહેલાંના એક ગુનામાં નાસતો ફરતો આરોપી લીંબડીમાંથી જામનગરની પેરોલ ફર્લો સ્કવોર્ડની ટીમના હાથે ઝડપાઈ ગયો છે.

 જામનગરની પેરોલ ફર્લો સ્કવોર્ડની ટીમને ચોક્કસ બાતમી મળી હતી, કે ધ્રોલ પોલીસ સ્ટેશનના બે વર્ષ પહેલાંના પ્રોહિબિશન અંગેના એક ગુન્હામાં મૂળ સુરેન્દ્રનગર જિલ્લાના લીંબડી ગામનો વતની તન્વીરસિંહ જીતેન્દ્રસિંહ ઝાલા કે જે બે વર્ષથી નાસતો ફરતો રહ્યો હતો, અને હાલ લીંબડી તાલુકાના સૌકા ગામે આવ્યો છે, તેવી ચોક્કસ બાતમી જામનગરની પેરોલ ફર્લો સ્કવોર્ડ ની ટીમને મળી હતી.

 જે બાતમીના આધારે જામનગરની પોલીસ ટુકડી લીંબડી પહોંચી ગઈ હતી, અને ત્યાંથી આરોપી તનવીરસિંહ ઝાલાને ઝડપી લીધો હતો અને તેને જામનગર લઈ આવ્યા પછી ધ્રોળ પોલીસ મથકમાં સુપ્રત કરી દીધો છે.