જામનગરમાં ક્રિકેટના સટ્ટાનો ત્રણ વર્ષથી નાસ્તો ફરતો આરોપી પકડાયો

જામનગર શહેરમાં નાસ્તા ફરતા આરોપીઓને પકડવા માટેની ઝુંબેશ ચાલી રહી છે, ત્યાર સિટી બી. ડિવિઝન પોલીસ સ્ટેશનના ક્રિકેટના સટ્ટાના કેસમાં છેલ્લા ત્રણ વર્ષથી નાસ્તો ફરતો આરોપી પોલીસના હાથે ઝડપાઈ ગયો છે.

જામનગરમાં સત્ય સાઇ સ્કૂલ સામે વિઝન એપાર્ટમેન્ટમાં રહેતા હસમુખ ખીમાભાઈ ગોજિયા સામે આજથી ત્રણ વર્ષ પહેલાં ક્રિકેટના સટ્ટા અંગેની ફરિયાદ નોંધાવાઈ હતી, અને તે ગુન્હામાં પોતે છેલ્લા ત્રણેક વર્ષથી નાસ્તો ફરતો રહ્યો હતો. જે આરોપીને શોધી કાઢવા માટે સીટી બી. ડિવિઝનના ડી. સ્ટાફે કમર કસી હતી, અને તેને ઝડપી લીધો છે. અને વધુ પૂછપરછ હાથ ધરી છે.