જામનગરમાં સુભાષ બ્રિજ પાસે બાઇક અને રીક્ષા વચ્ચે અકસ્માત : ત્રણ યુવાનો ઘાયલ

Jamnagar Accident : જામનગરના સુભાષ બ્રિઝ નજીક ગઈ રાતે બાઈક અને ઓટોરિક્ષા વચ્ચે ગંભીર અકસ્માત સર્જાયો હતો. આ અકસ્માતમાં ત્રણ યુવાનો ગંભીર રીતે ઘાયલ થયા હતા.જે ઘાયલોને તાત્કાલિક સારવાર માટે જીજી હોસ્પિટલ ખસેડવામાં આવ્યા છે. 

પ્રાપ્ત માહિતી અનુસાર, ગત રાત્રે ત્રણ યુવાનો બાઈક પર જઈ રહ્યા હતા ત્યારે સુભાષ બ્રિઝ નજીક એક ઓટોરિક્ષા સાથે તેમની બાઈક અથડાઈ હતી. આ અકસ્માત એટલો ગંભીર હતો કે ત્રણેય યુવાનો ઘટનાસ્થળે જ ઢળી પડ્યા હતા. 

ઘટનાની જાણ થતાં સ્થાનિક લોકો દોડી આવ્યા હતા અને ઘાયલોને તાત્કાલિક જીજી હોસ્પિટલ ખસેડવામાં આવ્યા હતા. હાલમાં ત્રણેય યુવાનોની હાલત સ્થિર હોવાનું જાણવા મળ્યું છે. હા અકસ્માતને લઈને લોકોનો ટોળું એકત્ર થયું હતું. સીટી બી. ડિવિઝનનો પોલીસ કાફલો ઘટના સ્થળે તેમજ જી.જી. હોસ્પિટલે દોડી ગયો છે, અને અકસ્માતના બનાવ અંગે વધુ તપાસ હાથ ધરી છે.