ધ્રોળના ખેંગારકા ગામ નજીક ચેકડેમમાં નાહવા પડેલા યુવાનનું ડૂબી જતાં અપમૃત્યુ

Jamnagar : જામનગર જિલ્લાના લાલપુર તાલુકાના ઇશ્વરીયા ગામનો એક યુવાન ધ્રોળ નજીક ખેંગારકા ગામ પાસે આવેલા ચેકડેમમાં નાહવા માટે પડ્યો હતો, અને ડૂબી જવાથી તેનું કરુણ મૃત્યુ નીપજ્યું છે.

 આ બનાવની વિગત એવી છે કે લાલપુર તાલુકાના ઇશ્વરિયા ગામમાં રહેતો સુરેશભાઈ રાણાભાઇ પરમાર નામનો 35 વર્ષનો યુવાન કે જે ગઈકાલે ધ્રોલ તાલુકાના ખેંગારકા ગામ પાસે આવેલા ચેક ડેમમાં નાહવા માટે પડ્યો હતો અને ડૂબી જવાના કારણે બે શુદ્ધ બન્યો હતો.

 જેને પાણીમાંથી બહાર કાઢી ધ્રોળની સરકારી હોસ્પિટલમાં લઈ જવામાં આવ્યો હતો, જ્યાં ફરજ પરના તબીબે તેનું મૃત્યુ નિપજ્યું હોવાનું જાહેર કર્યું હતું.

 આ બનાવ અંગે મૃતકના મોટાભાઈ જગદીશભાઈ રાણાભાઇ પરમારએ પોલીસને જાણ કરતાં ધ્રોળ પોલીસ બનાવના સ્થળે દોડી ગઈ હતી અને મૃતદેહનો કબજો સંભાળી પોસ્ટ મોર્ટમ સહિતની કાર્યવાહી હાથ ધરી હતી.