જામનગરમાં જે.જે.જશોદા સોસાયટીમાં સેન્ટીંગ કામ કરી રહેલા શ્રમિક યુવાનનું સીડી પરથી નીચે પટકાઈ પડતાં અપમૃત્યુ

image : Freepik

જામનગર,તા.11 ઓક્ટોબર 2023,બુધવાર

જામનગરમાં રણજીત સાગર રોડ પર જે.જે. જશોદા નામની સોસાયટીમાં નવા મકાનના બાંધકામના સ્થળે સેન્ટીંગ કામ કરી રહેલા એક શ્રમિક યુવાનનું નીચે પટકાઇ પડવાથી અપમૃત્યુ થયું છે.

આ બનાવની વિગત એવી છે કે જામનગર તાલુકાના જામવણથલી ગામમાં રહેતો અને સેન્ટીંગ કામની મજૂરી કરતો પ્રવીણ રામજીભાઈ મણવર નામનો 38 વર્ષનો યુવાન, કે જે ગત 04-10-2023 ના સવારે દસ વાગ્યાના અરસામાં જામનગરના રણજીતસાગર રોડ પર આવેલી જે.જે.જશોદા સોસાયટીમાં નવા બાંધકામના સ્થળે સેન્ટીંગ કામની મજૂરી કરી રહ્યો હતો, જે દરમિયાન અકસ્માતે સીડી ઉપરથી નીચે પટકાઈ પડ્યો હતો, અને તેને ગંભીર ઈજા થઈ હતી. તેથી સારવાર માટે જામનગરની જી.જી.હોસ્પિટલમાં ખસેડવામાં આવ્યો હતો. ત્યાં ગઈકાલે સારવાર દરમિયાન તેનું મૃત્યુ નીપજ્યું છે. 

આ બનાવ અંગે અમિત દેવજીભાઈ ગોહિલ નામના સાથી કર્મચારીએ પોલીસને જાણ કરતાં પંચકોષી બી. ડિવિઝન પોલીસે મૃતદેહનો કબજો સંભાળી પોસ્ટમોર્ટમ સાહિતની કાર્યવાહી હાથ ધરી છે.