જામજોધપુર તાલુકાના ભુપત આંબરડી ગામ પાસે બાઈક સ્લીપ થઈ જતાં ખેડૂત યુવાનનું મૃત્યુ

Accident in Jamnagar : જામનગર જિલ્લાના જામજોધપુર તાલુકાના ભુપત આંબરડી ગામ પાસે એક બાઈક સ્લીપ થઈને ખાંભા સાથે ટકરાઈ જતાં તેના ચાલક ખેડૂત યુવાનનું અંતરીયાળ મૃત્યુ નીપજ્યું છે.

 આ બનાવની વિગત એવી છે કે જામજોધપુર તાલુકાના ભુપત આંબરડી ગામમાં રહેતા અને ખેતી કામ કરતા ગીરીરાજસિંહ ઘનશ્યામ સિંહ જાડેજા નામના 20 વર્ષના ખેડૂત યુવાનને શેઠ વડાળા થી ભૂપત આંબરડી ગામ તરફ જવાના રસ્તે માર્ગમાં અકસ્માત નડ્યો હતો.

 પોતે બાઇક લઈને પસાર થતો હોવાથી માર્ગમાં તેનું બાઇક સ્લીપ થઈને રોડની સાઈડમાં ખાંભા સાથે ટકરાઈ ગયું હતું. જેમાં તેને હેમરાજ સહિતની ગંભીર ઈજા થવાથી સ્થળ પર જ કરુણ મૃત્યુ નીપજયું હતું.

 આ બનાવ અંગે મૃતકના પિતા ઘનશ્યામસિંહ રામભા જાડેજાએ પોલીસને જાણ કરતાં શેઠ વડાળા પોલીસે મૃતદેહનો કબજો સંભાળી વધુ તપાસ હાથ ધરી છે.