જામજોધપુરના સમાણા એરફોર્સનો બનાવ : બાંધકામ સાઈટ પર બીજા માળેથી પટકાતાં શ્રર્મિક મહિલાનું મોત નિપજ્યું

image : Freepik

જામનગર,તા.06 ઓક્ટોબર 2023,શુક્રવાર

જામજોધપુર તાલુકાના સમાણા એરફોર્સ રડારની બાંધકામ સાઈટ પર બીજા માળેથી પટકાયેલા શ્રમિક મહિલાનું સારવારમાં મૃત્યુ નિપજ્યું છે. 

આ બનાવની વિગત એવી છે કે, જામજોધપુર તાલુકાના સમાણા ગામમાં રહેતા ગીતાબેન પાલાભાઈ પરમાર નામની 39 વર્ષિય મહિલા ગત તા.29.9.2023 ના રોજ એરફોર્સ રડારમાં બિલ્ડીંગમાં બાંધકામના સ્થળે મજુરી કામ કરતા હતા, તે વેળાએ બીજા માળેથી પગ લપસતાં નીચે પટકાતા ગંભીર ઈજાઓ થઈ હતી.

આથી તેમને તાત્કાલિક સારવાર અર્થે હોસ્પિટલમાં ખસેડવામાં આવ્યા હતા, જયાં ગઈકાલે ચાલુ સારવાર દરમિયાન મૃત્યુ નિપજતાં મૃતકના પતિ પાલાભાઈ પરમારે શેઠવડાળા પોલીસ મથકમાં જાણ કરતાં પોલીસે અકસ્માત મોતનો ગુનો નોંધી વધુ તપાસ ચલાવી રહી છે.