ધ્રોલમાં આવતીકાલે તા.9 ફેબ્રુઆરીના જોબફેરનું આયોજન કરાશે

Image Source: Freepik

જામનગર, તા. 8 ફેબ્રુઆરી 2024 ગુરૂવાર

જામનગર મદદનીશ નિયામકશ્રી (રોજગાર) ની કચેરી દ્વારા આવતીકાલે તારીખ ૯ ફેબ્રુઆરીના રોજ સવારે ૧૦.૩૦ કલાકે આઈ.ટી.આઈ. કેમ્પસ, ખારવા રોડ, ધ્રોલ ખાતે રોજગાર ભરતી મેળાનું આયોજન કરવામાં આવ્યું છે. આ રોજગાર ભરતી મેળામાં વિવિધ ખાનગી ક્ષેત્રના નોકરીદાતાઓ ઉપસ્થિત રહેશે. તેમજ નોકરીદાતાઓ દ્વારા સ્થળ પર જ ઉમેદવારોની પસંદગી કરવામાં આવશે. 

આ રોજગાર ભરતી મેળામાં ભાગ લેવા માટે ઈચ્છુક ઉમેદવારોએ પોતાનો બાયો-ડેટા, પાસપોર્ટ સાઈઝના ફોટોગ્રાફ્સ, શૈક્ષણિક લાયકાત અને અનુભવના પ્રમાણપત્રોની નકલો સાથે ઉક્ત જણાવેલા સ્થળ પર હાજર રહેવા માટે જામનગર મદદનીશ નિયામકશ્રી (રોજગાર) ની કચેરીની યાદીમાં જણાવવામાં આવ્યું છે.