જામનગરમાં ચાંદી બજાર વિસ્તારમાં મોડી રાત્રે ઘટાદાર વૃક્ષ ધરાશાઇ : જાનહાની ટળી પરંતુ સ્કૂટર દબાયું

Jamnagar News : જામનગરમાં ચાંદી બજાર વિસ્તારમાં ગઈકાલે મોડી રાત્રે એક ઘટાદાર વૃક્ષ ધરાસાઈ થયું હતું, અને માર્ગ પર આડું પડ્યું હતું. આ સમયે સદભાગ્ય કોઈ પસાર થતું ન હોવાથી જાનહાની ટળી હતી, પરંતુ એક સ્કૂટરનો ઝાડ નીચે કડુસલો બોલી ગયો હતો.

 આ બનાવ અંગે ફાયર બ્રિગેડ શાખાને જાણ કરાતાં ફાયર શાખાની ટુકડી બનાવના સ્થળે પહોંચી ગઈ હતી, અને કરવતની મદદથી ઝાડની ડાળીઓ કાપીને એક તરફ ખસેડી દઈ રસ્તો ખુલ્લો કરાવ્યો હતો, તેમજ ઝાડ નીચે દબાયેલું સ્કૂટર પણ બહાર કાઢી આપ્યું હતું.