જામનગરના હોમગાર્ડ યુનિટ દ્વારા એસ.ટી. બસ સ્ટેશનમાં સફાઈ ઝુંબેશ હાથ ધરાઈ

જામનગર,તા.06 નવેમ્બર 2023,સોમવાર

ગુજરાત હોમગાર્ડ દળના જામનગર શહેર યુનિટ બી.ના હોમગાર્ડ જવાનો દ્વારા જામનગર જિલ્લાના હોમગાર્ડ કમાન્ડન્ટ ડી.વાય.એસ.પી. મહેન્દ્રસિંહ સોલંકીની રાહબારી હેઠળ જામનગરના એસ.ટી. બસ સ્ટેશન ખાતે વિભાગીય નિયામક બી.સી.જાડેજાની ખાસ ઉપસ્થિતિમાં સ્વચ્છતા ઝુંબેશ હાથ ઘરવામાં આવી હતી. 

આજે સવારે 6.30 થી 8.30 કલાક સુધી આ સ્વચ્છતા ઝુંબેશ હાથ ધરવામાં આવી હતી. જેમાં હોમગાર્ડના 80 જવાનો, અધિકારીગણ અને સ્ટાફ ઓફિસર લીગલ ગિરીશ સરવૈયા અને એસ.ટીના વિભાગના નિયામક બી.સી.જાડેજા પણ આ સ્વચ્છતા ઝુંબેશ અભિયાન યજ્ઞમાં જોડાયા હતા.

 આ કાર્યક્રમને સફળ બનાવવા જામનગર એસ.ટી.ના ટ્રાફિક કંટ્રોલર અને ઓફિસર કમાન્ડીઞ હોમગાર્ડ નરેન્દ્રસિંહ જાડેજા અને શહેર યુનિટના અધિકારીગણ તમામે જહેમત ઉઠાવી હતી. અને રાજ્ય સરકારના સ્વચ્છતા હી સેવા મિશનને સાચા અર્થમાં સાર્થક કર્યું હતું.