જામનગરના ધ્રોલમાં રહેણાંક મકાનમાંથી ઈંગ્લિશ દારૂની 42 બોટલો મળી, આરોપી ફરાર

Jamnagar Liquor Crime : ધ્રોલ તાલુકાના હાડાટોડા ગામે રહેતો એક શખ્સ દારૂનો ધંધો કરતો હોય અને પોતાના રહેણાંક મકાનમાં દારૂ છૂપાવ્યો હોય તેવી બાતમી પોલીસને મળી હતી. જેથી સ્થળ પર જઈ દરોડો પાડતાં મકાનમાંથી ઈંગ્લીશ દારૂની 42 બોટલ મળી આવતાં પોલીસે કબ્જે કરી હતી. જ્યારે આરોપી પલાયન થઈ ગયો હતો.

આ બનાવની પ્રાપ્ત વિગત એવી છે કે, ધ્રોલ તાલુકાના હાડાટોડા ગામે રહેતો જયેન્દ્રસિંહ સહદેવસિંહ જાડેજા નામના શખ્સે પોતાના ઘરમાં દારૂ સંતાડયો હોય અને ખાનગીમાં વેચાણ કરતો હોય તેવી બાતમી પોલીસને મળી હતી. જેથી મકાન પર દરોડ પાડતાં ઘઉં ભરવાની કોઠીમાં સંતાડવામાં આવેલ રૂપિયા 21 હજારની કિંમતની 42 બોટલ ઈંગ્લીશ દારૂ મળી આવ્યો હતો. જેથી પોલીસે મુદામાલ કબ્જે કર્યો હતો. જ્યારે દરોડા દરમ્યાન આરોપી ઘરે હાજર ન હોય તેને ફરાર જાહેર કરી શોધખોળ હાથ ધરી છે.