જામનગર શહેર, કાલાવડ અને સિકકામાં દારૂ અંગે ત્રણ સ્થળે દરોડા, 4 શખ્સોની અટકાયત

image : Freepik

ઈંગ્લીશ દારૂની 55 નંગ બોટલના જથ્થા સાથે 4 શખ્સોની અટકાયત

જામનગર,તા.09 માર્ચ 2024,શનિવાર

જામનગર શહેર તેમજ સિકકા અને કાલાવડમાં ગઈકાલે પોલીસે દારૂ અંગેના જુદા જુદા ત્રણ દરોડા પાડયા હતા. જેમાં ઈંગ્લીશ દારૂની 55 બોટલ કબ્જે કરી હતી. જ્યારે ચાર શખ્સોની અટકાયત કરવામાં આવી છે.

આ બનાવની પ્રાપ્ત વિગત એવી છે કે, સિકકાના મુંગણી ગામે રામાપીરના મંદિર પાસે રહેતો સુરેન્દ્રસિંહ ઉર્ફે કિલુ ભીખાભા કંચવા નામનો શખ્સ દારૂનું વેચાણ કરી રહયો હોય તેવી બાતમીના આધારે પોલીસે તેના રહેણાંક મકાનમાં દરોડો પાડયો હતો. જ્યાં ઈંગ્લીશ દારૂની 55 બોટલ મળી આવી હતી. આથી પોલીસે સુરેન્દ્રસિંહ ભીખુભા કંચવા તેમજ કરણસિંહ પ્રભાતસિંહ જાડેજા નામના બે શખ્સોની રૂા.35,000ના મુદ્દામાલ સાથે ધરપકડ કરી હતી.

આ ઉપરાંત જામનગર નજીકના સરમત ગામે વાછરા ડાડાના મંદિર પાસે રહેતો ક્રિપાલસિંહ દિલુભા જાડેજા નામના શખ્સની શહેરના સુમેર કલબ રોડ પરથી ઈંગ્લીશ દારૂની બે બોટલ સાથે અટકાયત કરી હતી. જ્યારે મૂળ મધ્યપ્રદેશના અલીરાજપુર ગામનો વતની અને હાલ કાલાવડના ધુડશિયા ગામે રણછોડભાઈ સવજીભાઈ વાગડિયાની વાડીમાં રહેતો જગદિશ મગનિયાભાઈ ડાવર નામના શખ્સની ઈંગ્લીશ દારૂની ત્રણ બોટલ સાથે ધરપકડ કરી હતી.