જામનગર- ખંભાળિયા બાયપાસ પાસે પગપાળા ચાલીને જઈ રહેલા બે યુવાનોને બોલર ચાલકે ઠોકરે ચડાવી ઇજાગ્રસ્ત બનાવ્યા

 જામનગર નજીક ખંભાળિયા બાયપાસ રોડ પર  પગ પાળા ચાલીને જઈ રહેલા બે યુવાનોને પાછળથી આવી રહેલી બોલેરો પીકપ વેન ના ચાલકે ઠોકરે ચડાવતાં બંનેને ફ્રેક્ચર સહિતની ઇજા થઈ છે. જે અકસ્માત અંગે બોલેરો ચાલક સામે ફરિયાદ નોંધાવાઈ છે.

જામનગર નજીક ખંભાળિયા બાયપાસ રોડ પર થી પરમદીને સવારે ૪.૩૦ વાગ્યાના અરસામાં પગપાળા ચાલીને જઈ રહેલા રવિભાઈ કાળુભાઈ રાઠોડ તેમજ કમલેશભાઈ નરેશભાઈ હકાણી ને પાછળથી પૂરપાટ ઝડપે આવી રહેલી જી.જે.-૬ એ.ઝેડ. ૬૯૮૯ નંબરની બોલેરો પિકઅપ વેન ના ચાલકે ઠોકરે ચડાવતાં બન્નેને ફ્રેક્ચર સહિતની ઇજાઓ થઈ હતી, અને તેઓને સારવાર માટે જામનગરની જી.જી. હોસ્પિટલમાં દાખલ કરવામાં આવ્યા છે.

 આ અકસ્માતના બનાવ અંગે ઇજાગ્રસ્ત ના ભાઈ મયુરભાઈ કારાભાઈ રાઠોડે પંચકોશી બી. ડિવિઝન પોલીસ મથકમાં બોલેરો પીકઅપ વેન ના ચાલક સામે ફરિયાદ નોંધાવી છે.