જામનગરમાં પોલીસે ઝડપી પાડેલ 15,436 નંગ દારૂની બોટલનાં જથ્થાનો નાશ કરાયો

જામનગર, તા. 04 ફેબ્રુઆરી 2024, રવિવાર

જામનગર પોલીસ દ્વારા ઝડપી પાડવામાં આવેલા દારૂ ના જથ્થા નો આજે નાશ કરવામાં આવ્યો હતો .જેમાં કુલ રૂપિયા 59 લાખ 66 હજાર  ની કિંમત ના દારૂ ના જથ્થા  ઉપર બુલડોઝર ફેરવી દેવા મા આવ્યું હતું.

જામનગરના વિવિધ પોલીસ સ્ટેશન મથક વિસ્તારમાંથી ઝડપાયેલ દારૂના જથ્થાનો નાશ કરવાની કામગીરી આજે કરવામાં આવી હતી તેમાં કુલ રૂપિયા 59,66,016ની કીમત ની 15,436 નંગ દારૂ ની બોટલ નાં જથ્થા ઉપર આજે બુલડોઝર ફેરવી દેવા મા આવ્યું હતું.

જામનગર ના એરપોર્ટ માર્ગે નવી આરટીઓ કચેરી  સામે ના વિસ્તારમાં આ કામગીરી કરવામાં આવી હતી. આ સમયે એસ ડી એમ પી બી પરમાર, ડીવાયએસપી જે એન ઝાલા, નશાબંધી અધિક્ષક, પ્રોબેશન ડી વાય એસ પી, નયના ગોરડિયા, શહેર મામલતદાર, પોલીસ ઇન્સ્પેક્ટર એન એ ચાવડા, પોલીસ સબ ઇન્સ્પેક્ટર જે ડી પરમાર અને પી વી ડોડીયા સહિતનાઓ ઉપસ્થિત રહ્યા હતા.