જામનગર અને જામજોધપુરમાં જુગારના બે દરોડામાં 12 શખ્સો ઝડપાયા

Jamnagar Gambling News : જામનગર તાલુકાના મોખાણા ગામ તેમજ જિલ્લાના જામ જોધપુરના આંબરડી ગામે પોલીસે જુગાર અંગેના બે દરોડા પાડી 12 શખ્સોને ઝડપી લઈ તેઓ પાસેથી રોકડ રૂપિયા 23,270 સહિત કુલ રૂપિયા 63 હજાર ઉપરાંતનો મુદામાલ કબ્જે કર્યો છે.

જામજોધપુર તાલુકાના આંબરડી ગામે સીમ વિસ્તારમાં રહેતાં જીતેન્દ્રસિંહ રામભા જાડેજાની વાડી પાસે ખુલ્લા પટમાં તિનપતીનો જુગાર રમી રહેલ રમેશ રણછોડભાઈ ભાલોડિયા, અશોક જેન્તીભાઈ પાનસરા, જીતેન્દ્રસિંહ રામભા જાડેજા, મહેન્દ્ર વિઠલભાઈ વરાણિયા, મનસુખ ગાંડુભાઈ રતનપરા, અજય લાલજીભાઈ દવે, રાજેશ ખીમજીભાઈ જોષી અને પ્રવીણ કારૂભાઈ શીલુ સહિત આઠ શખ્સોને ઝડપી લઈ તેઓ પાસેથી રોકડ રૂા.17,650 તેમજ ત્રણ મોટર સાયકલ સહિત કુલ રૂપિયા 57,650નો મુદામાલ કબ્જે કર્યો હતો.

આ ઉપરાંત જામનગર તાલુકાના મોખાણા ગામના રસ્તે બાવળની ઝાડીમાં ગંજીપાના વડે જુગાર રમી રહેલ અજય છગનભાઈ મેથાણી, રામકરણ રામજીભાઈ ઘોડા, રોહિત જગાભાઈ જીંજુવાડિયા અને ભેડાભાઈ ભીખાભાઈ હાજાણી સહિત ચાર શખ્સોને ઝડપી લઈ તેઓ પાસેથી રોકડ રૂપિયા 5640 કબ્જે કર્યા છે.