જામનગર જિલ્લા ની ૧૧૮ ગ્રામ પંચાયત ની રવિવારે ચૂંટણી:આજે સાંજ થી પ્રચાર પડઘમ થયા શાંત

જામનગર, તા. 18,

જામનગર જિલ્લાની 118 ગ્રામ પંચાયતની સામાન્ય ચૂંટણી માટે આગામી તા. ૧૯ ના મતદાન થનાર છે. પરિણામે આજે સાંજ થી પ્રચાર-પડઘમ શાંત થઈ ગયા હતા અમુક ગામડા માં  રાજકારણ ચરમસીમાએ જોવા મળી રહ્યું છે.

જામનગર જિલ્લાની 118 ગ્રામ પંચાયતોમાં સામાન્ય , 10 ગ્રામ પંચાયતમાં પેટા અને એક ગ્રામ પંચાયતમાં મધ્યસત્ર ચૂંટણી માટે તા. 19-12-2021 ના મતદાન થશે. આજે સાંજથી પ્રચાર-પડઘમ શાંત થયા છે.

સમગ્ર ચૂંટણી પ્રક્રિયા પાર પાડવા માટે પ૬ ચૂંટણી અધિકારી, 1692 કર્મચારીઓ અને પપર જેટલા સુરક્ષા કર્મચારીઓની વ્યવસ્થા ગોઠવવામાં આવી છે. સરપંચ પદ માટે 116 અને સભ્ય માટે 697 ઉમેદવારો ચૂંટણી મેદાનમાં છે. બે લાખ 6 હજાર મતદારો પોતાના મતાધિકારનો ઉપયોગ કરશે. 43 ગ્રામ પંચાયતો સમરસ થતાં હવે 118 ગ્રામ પંચાયતોમાં ચૂંટણી યોજાનાર છે.

જેમાં જામનગર તાલુકાના 25 ગામમાં સામાન્ય, એકમાં મધ્યસ્થ તથા ચાર ગામમાં પેટાચૂંટણી છે. કાલાવડમાં 20 સામાન્ય અને એકમાં પેટા, લાલપુરમાં 23 માં સામાન્ય, એક માં પેટા મળી 24 ગામ માં ચૂંટણી થશે.

જામજોધપુરના 29 ગામમાં સામાન્ય અને ચાર માં પેટા ધ્રોળમાં 11 સામાન્ય ચૂંટણી તથા જોડિયામાં 10 ગામમાં સામાન્ય ચૂંટણી થશે.