ડોનાલ્ડ ટ્રમ્પ વિજયી લીડ વચ્ચે ઈલોન મસ્ક સાથે ડાઈનિંગ ટેબલ પર દેખાયા, જુઓ તસવીર...

US Election Result: અમેરિકામાં રાષ્ટ્રપતિની ચૂંટણી માટે મતગણતરી ચાલુ છે. ડેમોક્રેટ કમલા હેરિસ અને રિપબ્લિકન ડોનાલ્ડ ટ્રમ્પ વચ્ચે જોરદાર ટક્કર છે. ભારત સહિત સમગ્ર વિશ્વની નજર આ ચૂંટણી પર ટકેલી છે. આ સમગ્ર ચૂંટણી પ્રચાર દરમિયાન ઇલોન મસ્કએ પ્રમુખપદના ઉમેદવાર ડોનાલ્ડ ટ્રમ્પને ખુલ્લેઆમ સમર્થન આપ્યું હતું. આટલું જ નહીં મતગણતરીના દિવસે ઇલોન મસ્ક પણ ટ્રમ્પ સાથે ડાઈનિંગ ટેબલ પર જોવા મળ્યા. 

ઇલોન મસ્કે કર્યો ફોટો શેર

તેમજ X પ્લેટફોર્મ પર ઇલોન મસ્કે એક પોસ્ટ શેર કરી છે. જેમાં ઇલોન મસ્કે ડોનાલ્ડ ટ્રમ્પ સાથેનો પોતાનો ફોટો શેર કર્યો છે. આ ફોટો તાજેતરનો લાગે છે, જેમાં તેઓ મતગણતરીના દિવસે ડાઇનિંગ ટેબલ પર બેસીને એકબીજા સાથે વાત કરતા જોવા મળે છે.

આ પણ વાંચો: US Election Results : અમેરિકાની સત્તાની ચાવી સમાન 7 સ્વિંગ સ્ટેટ્સના પરિણામ, જાણો ટ્રમ્પ-કમલામાંથી કોને લીડ?

ચૂંટણી પ્રચાર દરમિયાન પણ મસ્કે ટ્રમ્પને આપ્યું સમર્થન 

ઇલોન મસ્ક ડોનાલ્ડ ટ્રમ્પના સમર્થનમાં સતત પ્રચાર અને પોસ્ટ કરી રહ્યા છે. એટલું જ નહીં, મસ્કે એક પોસ્ટ કરી હતી જેમાં એઆઈ ઈમેજ દ્વારા બતાવવામાં આવ્યું હતું કે તેઓ મંત્રી તરીકે શપથ લઈ રહ્યા છે. જો કે, સરકારની રચના પછી તેઓ કોઈ મંત્રાલય સંભાળશે કે નહીં તે અંગે હજુ સુધી કોઈ સત્તાવાર માહિતી બહાર આવી નથી.