સની દેઓલે ગદરમાં ઉઠાવ્યો હતો હેન્ડપંપ, ગદ્દર પાર્ટ ૨ માં પણ જોવા મળશે આવો લાલધૂમ

મુંબઇ,૩ જાન્યુઆરી,૨૦૨૩,મંગળવાર 

સની દેઓલની ગદર ફિલ્મનો હેન્ડપંપ ફાઇટવાળો સિન લોકોને યાદ રહી ગયો છે. આ યુનિક સ્ટંટની મજાક પણ ખૂબ થાય છે. ૨૦ વર્ષ પછી ગદર પાર્ટ ૨ આવી રહી છે ત્યારે આ પ્રકારનો સીન સની દેઓલના ચાહક પ્રેક્ષકોને જોવા મળી શકે છે. જો કે ગદર- ૨માં હેન્ડપંપ નહી પરંતુ ગાડા કે રથનું વિશાળ પૈડું જોવા મળશે. 

આ અંગે ફિલ્મનો ટીઝર વીડિયો રિલીઝ થયો છે જેમાં ગાડાનું વિશાળ પૈડુ ઉચકતો જોવા મળે છે. સની દેઓલ લાલ ધૂમ થઇને અત્યંત ગુસ્સામાં જોવા મળે છે. લોકો આ સીનની ગદરના તારાસિંહના પાત્ર સાથે સરખામણી કરી રહયા છે. આ જોઇને લોકોને હેન્ડપંપનો સીન યાદ આવી રહયો છે જેના વડે પાકિસ્તાનીઓની પીટાઇ કરી હતી. આ ટીઝર જોઇને લાગે છે કે આ એકશન ફિલ્મ હશે. ગદર ફિલ્મ સનીદેઓલની કારર્કિદીના ઉતરાધમાં આવી હતી. ૯૦ના ના દાયકામાં સનીની ઘાયલ,ધાતક જેવી એકશન ફિલ્મો ખૂબ ચાલી હતી.