સાઉદી અરબમાં 10 દિવસમાં પાકિસ્તાનના 3 સહિત 15 લોકોના માથાં ધડથી અલગ કરાયા

રિયાધ,તા.22 નવેમ્બર-2022, મંગળવાર

આકરી સજા માટે જાણિતા સાઉદી અરેબિયામાંથી ખૌફનાક સમાચાર સામે આવ્યા. સાઉદી અરબ સરકારે 10 દિવસમાં 15 લોકોના માથા ધડથી અલગ કરી દીધા છે. આમાંથી કેટલાક લોકોનું માથું તલવારથી વાઢી નખાયું. આ દેશના કડક નિયમો અને કાયદાઓ એટલા ખતરનાક છે કે, કોઈપણ વ્યક્તિને છોડવામાં આવતો નથી. સાઉદી અરેબિયા સરકારે આ ફાંસીની ઘટનાઓ સાથે જ વર્ષ 2022માં કુલ 144 લોકોને ફાંસી આપી છે.

મોટાભાગે પ્રવાસીઓને જ સજા અપાઈ

અંગ્રેજી અખબાર ટેલિગ્રાફ અનુસાર સાઉદી અરેબિયામાં જે 15 લોકોના માથાં ધડથી અલગ કરાયા તેમાંથી મોટાભાગના લોકો વિદેશી છે. આ 15 લોકોમાં 3 પાકિસ્તાનના, 4 સીરિયાના અને 2 જોર્ડનના છે. આ તમામ લોકોમાં 3 સાઉદી નાગરિકો પણ છે. તમામ પર ડ્રગ સંબંધિત કાયદાનું ઉલ્લંઘન કરવાનો આરોપ હતો, જેના કારણે તેમને મૃત્યુદંડની સજા અપાઈ હતી.

🚨URGENT: While all eyes are on the World Cup, Saudi Arabia is carrying out a horrifying execution spree.

The Kingdom has executed 15 people convicted of drugs offences in the last 12 days, breaking a promise to end executions for non-violent crimes 🧵 pic.twitter.com/BXVGfqZk0n

— Reprieve (@Reprieve) November 21, 2022

માર્ચમાં 81 લોકોનો મૃત્યુદંડની સજા ફટકારાઈ

સાઉદી અરેબિયા સરકારે માર્ચ મહિનામાં 81 લોકોને દર્દનાક મૃત્યુદંડનો આદેશ આપ્યો હતો. આ 81 લોકોમાં ઘણા ઉગ્રવાદી સંગઠન સાથે પણ જોડાયેલા હતા. સાઉદી અરબના મોર્ડન ઈતિહાસમાં પ્રથમવાર આટલી મોટી સંખ્યામાં મૃત્યુદંડની સજા આપવામાં આવી હતી. સાઉદી સરકારે વર્ષ 2018માં આ પ્રકારની સજામાં ઘટાડો કરવાનો પણ નિર્ણય કર્યો હતો.