જાણિતા સ્ટેન્ડઅપ કોમેડિયનનું નિધન, 32 વર્ષની ઉંમરમાં થયું મોત, કારણ જાણવા નથી મળ્યું

Neel Nanda: ભારતીય મૂળના સ્ટેન્ડઅપ કોમેડિયન નીલ નંદાનું માત્ર 32 વર્ષની ઉંમરમાં દુ:ખદ નિધન થયું છે. નીલ નંદાના મેનેજર ગ્રેગ વીસે આ અંગે માહિતી આપી હતી. સ્ટેન્ડઅપ કોમેડિયનના મૃત્યુનું કારણ હજુ જાહેર કરવામાં આવ્યું નથી. નીલ 'જીમી કિમેલ લાઈવ' અને 'કોમેડી સેન્ટ્રલ' માટે ફેમસ હતો.

નીલને નાનપણથી જ કોમેડીનો શોખ હતો

નીલ નંદા લોસ એન્જેલસમાં રહેતો હતો. તેમને નાનપણથી જ કોમેડીનો શોખ હતો અને જ્યારે તે મોટો થયો ત્યારે તેમણે કોમેડીને પોતાનો વ્યવસાય બનાવી લીધો. નીલના મેનેજર ગ્રેગ વીસે કહ્યું કે, તેઓ આ જાહેરાત કરતા ખૂબ જ દુ:ખી છે કે, 11 વર્ષથી તેમના ક્લાયંટ નીલ નંદાનું અવસાન થયું છે. ગ્રેગે તેમને એક મહાન કોમેડિયન અને અદ્ભુત વ્યક્તિ તરીકે પણ વર્ણવ્યા હતા.

થોડા દિવસો પહેલા જ 32મો જન્મદિવસ ઉજવ્યો

થોડા દિવસો પહેલા જ નીલ નંદાએ તેમનો જન્મદિવસ ખૂબ જ ધામધૂમથી ઉજવ્યો હતો અને જ્યારે તેમના જન્મદિવસના થોડા દિવસો બાદ તેમના નિધનના સમાચાર આવ્યા ત્યારે તેમના ચાહકો માટે તે ખરેખર એક મોટો આઘાત હતો.