પાકિસ્તાનમાં વધુ એક હિન્દુ યુવતીનુ અપહરણ કરીને ધર્મપરિવર્તન

ઈસ્લામાબાદ, તા. 22. જાન્યુઆરી 2020 બુધવાર

એક તરફ ભારતમાં જ વિપક્ષો પાકિસ્તાન, બાંગ્લાદેશ, અફઘાનિસ્તાનમાં અત્યાચારનો ભોગ બનેલા હિન્દુ સહિતના લઘુમતી કોમના નાગરિકોને નાગરિકતા આપવાનો વિરોધ કરી રહ્યા છે. તો બીજી તરફ પાકિસ્તાનમાં હિન્દુ-શીખો પરના અત્યાચારો અટકવાનુ નામ નથી લઈ રહ્યા.

પાકિસ્તાનમાં સિંધ પ્રાંતના જેકોબાબાદમાં એક હિન્દુ યુવતીનુ અપહરણ કરીને તેનુ બળજબરીથી ધર્મપરિવર્તન કરાવી દેવાયુ છે. તેનુ એક મુસ્લિમ યુવક સાથે લગ્ન પણ કરાવી દેવાયુ છે.

15 જાન્યુઆરીએ સિંધ પ્રાંતની રહેવાસી અરોક કુમારી ઉર્ફે મહેક કુમારીનુ અપહરણ કરાયુ હતુ.એ પછી જેકોબાબાદમાં હિન્દુઓ આ ઘટના સામે દેખાવો કરી રહ્યા છે.

એ પછી અપહરણ કરનારાઓએ એક વિડિયો વાયરલ કરાવ્યો હતો.જેમાં ખુલાસો થયો હતો કે, અરોક કુમારીનુ ધર્મ પરિવર્તન કરાવીને મુસ્લિમ યુવક અલી રજા સાથે નિકાહ કરાવી દેવાયુ છે.વિડિયોમાં અલોક કુમારી કહે છે કે, મેં મારી મરજીથી ધર્મ પરિવર્તન કર્યુ છે.

હવે અલોક કુમારી અલીજા થઈ ગઈ છે. તેણે વીડિયોમાં કહ્યુ હતુ કે, હું 18 વર્ષની છું અને મને મારા માતા પિતા તેમજ હિન્દુ સમુદાયથી સુરક્ષાની જરુર છે.

Daughters of lesser god. Mehak Kumari, a 14-year-old Hindu girl in Jacobabad kidnapped, converted to Islam and married with her abductor Ali Raza. Raza, 28, has two wives and four children. Class 9 student Mehak (now Alizah) was converted at Dargah Amrot Sharif, Shikarpur. pic.twitter.com/FKSjo9theC

— Naila Inayat नायला इनायत (@nailainayat) January 21, 2020