શિક્ષણ બાદ હેલ્થ વિભાગ પર ટ્રમ્પની ગાજ, 10,000 કર્મચારીઓની એક ઝાટકે છટણીની તૈયારી

Health Dept Mass Layoffs in US: યુએસ ડિપાર્ટમેન્ટ ઑફ હેલ્થ એન્ડ હ્યુમન સર્વિસિસ(HHS)એ મોટા પાયે કર્મચારીઓની છટણી કરવાનું શરુ કર્યું છે. કર્મચારીઓને મંગળવારે બરતરફીની નોટિસ મળવા લાગી. એવી અટકળો છે કે ટ્રમ્પ સરકાર 10,000 લોકોને નોકરીમાંથી કાઢી શકે છે.

ડિપાર્ટમેન્ટ ઑફ હેલ્થ એન્ડ હ્યુમન સર્વિસિસ(HHS)ની છટણીની યોજનાઓમાં હાઇ-પ્રોફાઇલ ફેડરલ એજન્સીઓ જેમ કે ફૂડ એન્ડ ડ્રગ એડમિનિસ્ટ્રેશન (FDA), સેન્ટર્સ ફોર ડિસીઝ કંટ્રોલ એન્ડ પ્રિવેન્શન (CDC) અને નેશનલ ઇન્સ્ટિટ્યૂટ ઑફ હેલ્થ(NIH)નો સમાવેશ થાય છે.

અમેરિકી સરકાર ખર્ચમાં ઘટાડો કરવા માગે છે 

આ છટણી કરીને યુએસ પ્રમુખ ડોનાલ્ડ ટ્રમ્પ અને ઉદ્યોગપતિ ઈલોન મસ્કની ફેડરલ સરકાર ડિપાર્ટમેન્ટ ઑફ ગવર્નમેન્ટ એફિશિયન્સી (DOGE) દ્વારા ખર્ચમાં ઘટાડો કરે છે.

યુએસ હેલ્થ ડિપાર્ટમેન્ટમાંથી થશે 10,000 કર્મચારીઓની છટણી

આરોગ્ય સચિવ રોબર્ટ એફ. કેનેડી જુનિયરે ગયા અઠવાડિયે હેલ્થ ડિપાર્ટમેન્ટમાં છટણીની જાહેરાત કરી હતી અને કહ્યું હતું કે 10,000 કર્મચારીઓની છટણી કરવામાં આવશે અને VRS દ્વારા આરોગ્ય વિભાગમાં કર્મચારીઓની સંખ્યા 82,000થી ઘટાડીને 62,000 કરવામાં આવશે.

આ એજન્સીઓને થશે અસર

- ફૂડ એન્ડ ડ્રગ એડમિનિસ્ટ્રેશન (FDA) - 3,500 કર્મચારીઓને છૂટા કરવામાં આવશે

- સેન્ટર ફોર ડિસીઝ કંટ્રોલ એન્ડ પ્રિવેન્શન (CDC) - 2,400 કર્મચારીઓને છૂટા કરવામાં આવશે

- નેશનલ ઇન્સ્ટિટ્યૂટ ઑફ હેલ્થ (NIH) - 1,200 કર્મચારીઓને છૂટા કરવામાં આવશે

- સેન્ટર્સ ફોર મેડિકેર એન્ડ મેડિકેડ સર્વિસિસ (CMS) 300 નોકરીઓ જતી રહેશે.

આ પણ વાંચો: 'આ વખતે કોઈને રાહત નહીં....' ટેરિફ વૉર મુદ્દે ટ્રમ્પની સ્પષ્ટ વાત, જાણો ભારતનું શું થશે

અમેરિકામાં થઈ રહ્યો છે આ છટણીની વિરોધ 

ઘણાં નિષ્ણાતો અને નેતાઓએ આ નિર્ણય સામે વાંધો ઉઠાવ્યો છે. સેનેટર પૅટી મરેએ જણાવ્યું હતું કે, મોટા પાયે છટણી કુદરતી આફતો દરમિયાન ચેપી રોગ નિવારણ અને આરોગ્ય સેવાઓ પર નકારાત્મક અસર કરશે. તેમણે કહ્યું કે આ નિર્ણયથી HHSનું નામ બદલીને 'ડિપાર્ટમેન્ટ ઑફ ડિસીઝ' રાખવામાં આવવું જોઈએ, કારણ કે તે અમેરિકાની સ્વાસ્થ્ય સુરક્ષાને જોખમમાં મૂકી શકે છે.