'એક વાર તમે ઈઝરાયલની હાલત જુઓ....' ઇઝરાયેલી રાજદૂતે હમાસના હુમલાની નિંદા ન કરવા બદલ UNSCની કરી ટીકા

Israel Hamas War : ઈઝરાયલ અને હમાસ વચ્ચે ગાઝા પટ્ટી (Gaza Strip) છેલ્લા એક મહિનાથી યુદ્ધની સ્થિતિ જોવા મળી રહી છે. આ મામલો વૈશ્વિક અજેન્સીઓ માટે પણ મુશ્કેલ વિષય બનતો જાય છે. એવામાં UNSC દ્વારા હમાસ હુમલા પર કોઈ એક્શન ન લેવાના કારણે આજે UNની બેઠકમાં ઇઝરાયેલના પ્રતિનિધિએ આ અંગે ટીકા કરી હતી. 

ઈઝરાયલ-હમાસ યુદ્ધની સ્થિતિ વચ્ચે UNSCએ બોલાવી બેઠક 

હમાસે ઑક્ટોબર 7 ના રોજ ઇઝરાયેલ પર હુમલો કર્યો, જેમાં હજારો નિર્દોશ લોકોએ જીવ ગુમાવ્યા અને મોટી સંખ્યામાં લોકો ઘાયલ પણ થયા. જવાબી કાર્યવાહી કરતા ઇઝરાયલે હમાસને ખતમ કરવા ગાઝા પટ્ટીમાં હુમલા શરૂ કર્યા. જેના કારણે પશ્ચિમ એશિયામાં ઉભી થયેલી સ્થિતિને લઈને UNSCની બેઠક બોલાવવામાં આવી હતી. 

ઈઝરાયેલના રાજદૂતે UNSCમાં કરી ટીકા 

ઈઝરાયેલના રાજદૂતે UNSCને આગ્રહ કર્યો કે, તેઓને 7 ઓક્ટોબરની ઘટના અંગે બંને બાજુથી સત્ય બતાવે. એકવાર તમે તમારી આંખોથી ઇઝરાયેલમાં બર્બરતા જુઓ કે જ્યાં હમાસના આતંકવાદીઓએ કબજો જમાવ્યો હતો. ઈઝરાયેલના રાજદૂતે વધુમાં કહ્યું કે, હમાસે છેલ્લા 16 વર્ષમાં ગાઝાને સંપૂર્ણપણે આતંકનો અડ્ડો બનાવી દીધું છે. 

ઈઝરાયેલ- હમાસયદ્ધનો આજે 35મો દિવસ