સુનીતા વિલિયમ્સ પર મોટો ખતરો, આંતરરાષ્ટ્રીય સ્પેસ સ્ટેશનમાં તિરાડો પડી, 50 જગ્યાએ લીકેજ

Nasa and Sunita Williams News: નાસા પણ ઈન્ટરનેશનલ સ્પેસ સ્ટેશન (ISS)ને લઈને ટેન્શનમાં આવી ગયું છે. છેલ્લા પાંચ વર્ષથી ISSમાં થોડાં-થોડાં લીકેજ હતા. જો કે, હવે એવું જાણવા મળ્યું છે કે ISSમાં ઓછામાં ઓછા 50 જગ્યાએ લીકેજની સમસ્યા સર્જાઈ છે.   

નાસાનો રિપોર્ટ લીક થયો... 

આ સિવાય ISSમાં તિરાડો પણ દેખાઈ રહી છે. નાસાનો એક તપાસ રિપોર્ટ લીક થઈ ગયો હતો જેમાં ખુલાસો થયો કે ISS મોટા ખતરામાં છે. આ ઉપરાંત સુનિતા વિલિયમ્સ સહિત અહીં રહેતા અવકાશયાત્રીઓના જીવ પણ જોખમમાં મૂકાયા છે.

આ પણ વાંચોઃ મારા શરીરમાં ફેરફાર થયો છે, પરંતુ વજન નથી ઘટ્યું: ખરાબ તબિયત મુદ્દે સુનિતા વિલિયમ્સે અંતરિક્ષથી આપ્યો જવાબ

માઈક્રો વાઈબ્રેશનનો દાવો કરાયો 

રશિયાએ પૃથ્વીની આસપાસ ફરતી લેબમાં માઇક્રો વાઇબ્રેશનનો પણ દાવો કર્યો છે. નાસાનું કહેવું છે કે સ્પેસ સ્ટેશનમાંથી મોટી માત્રામાં હવા નીકળી રહી છે, જે ખતરાની ઘંટડી છે. જો કે લોકોના જીવ બચાવવા અને ઉકેલ શોધવાના પ્રયાસો કરવામાં આવી રહ્યા છે. મળતી માહિતી મુજબ ISSમાં છેલ્લા પાંચ વર્ષથી લીકેજની સમસ્યા છે.

ક્યાંથી લીકની શરૂઆત થઈ 

પ્રથમ લીક સ્પેસ સ્ટેશનમાં હાજર યવેઝદા મોડ્યુલમાંથી શરૂ થયું હતું, જે ડોકિંગ પોર્ટ તરફ દોરી જતી ટનલ છે. આ ભાગનું નિયંત્રણ રશિયાના હાથમાં છે. જોકે, નાસા અને રશિયન એજન્સી રોસકોમોસ વચ્ચે આ સમસ્યાનું સાચું કારણ શું છે તે અંગે હજુ સુધી કોઈ સહમતિ નથી બની શકી. જાણીતા મીડિયા અનુસાર, નાસાના અવકાશયાત્રી બોબ કબાનાએ કહ્યું કે સ્પેસ એજન્સીએ આ લીકેજ અંગે ચિંતા વ્યક્ત કરી છે.

આ પણ વાંચોઃ અંતરિક્ષમાં ફસાયેલી સુનિતા વિલિયમ્સ ખુશ દેખાઈ, નવા વીડિયોમાં મહેમાનોનું સ્વાગત કર્યું

અવકાશયાત્રીઓને સાવચેતી રાખવા નિર્દેશ 

કબાનાએ જણાવ્યું હતું કે લીકેજને રોકવા માટે ઓપરેશન ચલાવવાથી થોડા સમય માટે રાહત મળી શકે છે પરંતુ તે કાયમી ઉકેલ નથી. અમેરિકા કહે છે કે આ સુરક્ષિત નથી. લીકેજ પ્રથમ વખત 2019 માં શોધી કાઢવામાં આવ્યું હતું. આ પછી, એપ્રિલ 2024 થી, દરરોજ 1.7 કિલોના દરે હવા લીક થવા લાગી. સામાન્ય રીતે સાતથી દસ અવકાશયાત્રીઓ ISSમાં રહે છે. રશિયન એન્જિનિયરોએ માઇક્રો વાઇબ્રેશન વિશે વાત કરી છે. નાસાએ આ ખતરાને ટાળવા માટે કેટલાક પગલાં લીધાં છે. આ સિવાય અહીં હાજર અવકાશયાત્રીઓને પણ વધારાની સાવચેતી રાખવાની સલાહ આપવામાં આવી છે.