આ શાપિત વાધ્ય જે કોઇ વગાડશે તો થઇ જશે વિશ્વયુધ્ધ, કોઇ બચશે નહી, જાણો શું છે હકીકત

કેરો, ૩૦ નવેમ્બર,૨૦૨૩,ગુરુવાર 

ઇજિપ્ત એટલે મમીઓનો પ્રાચીન દેશ. આ દેશનો પ્રાચીન વારસો માનવ ઇતિહાસ સાચવીને બેઠો છે. ઇતિહાસના પાને તૂતનખામૂનનું નામ જાણીતું છે. ઇજિપ્તના આ રાજાનો મકબરો ૨૦ મી સદીમાં ખોદીને શોધવામાં આવ્યો હતો. આ મકબરામાંથી કેટલીક ચીજ વસ્તુઓ મળી આવી હતી જેમાં સોનાનું તાબૂત, તૂતનખામૂનનો બિસ્તર,લાકડી વગેરેનો સમાવેશ થતો હતો. આ ઉપરાંત જેની આજે પણ ચર્ચા ચાલે છે એ સંગીત વાધ્ય હોર્ન (તુરહી) પણ મળ્યું હતું. 

આ સંગીતને કેટલાક યુધ્ધ સાથે સંકળાયેલું સંગીત સાધન ગણતા હતા જે છેલ્લા ૩૦૦૦ વર્ષથી મૌન હતું. ૧૯૨૨માં પુરાતત્વવિદ્ હોવર્ડ કાર્ટરે તૂતનખામુન મકબરાની શોધ કરી હતી. આ સંગીત વાધ્યને દુનિયાનું સૌથી પ્રાચીન વાધ્ય ગણવામાં આવે છે. વાધ્ય તૈયાર કરવામાં તાંબુ,ચાંદી અને લાકડાનો ઉપયોગ થયો છે. તેના પર પ્રાચીન મિસર દેવતાની તસ્વીર કંડારવામાં આવી છે. 

આ હોર્નને ૮૪ વર્ષ પહેલા પ્રથમવાર જ ફૂંકીને વગાડવામાં આવ્યું કે થોડાક જ સમયમાં વિશ્વયુધ્ધ ફાટી નિકળ્યું હતું. આ હોર્નનું પ્રસારણ કરવામાં આવ્યું જેને ૧૫ કરોડ લોકોએ સાંભળ્યું હતું.  ન્યૂઝ સર્વિસ બીબીસી દ્વારા રેકોર્ડિગ ધ્વનીને પ્રસારિત કરવામાં આવ્યો હતો. ફરી કેટલાક લોકો માનવા લાગ્યા કે તુતનેખામેનનું સંગીત વગાડવાથી જ   જ આ સંજોગો ઉભા થાય છે. સંગીત વગાડયા પછી બીજુ વિશ્વયુધ્ધ ફાટી નિકળ્યું જેમાં  ૮ કરોડ લોકોના મુત્યુ થયા હતા. 

આ હોર્નમાં એવી કોઇ જાદૂઇ શકિત છે જેનાથી યુધ્ધની નોબત આવે છે. કેટલાક માને છે કે આ એક સંગીત વાધ્ય છે તેના અવાજને યુધ્ધ સાથે કોઇ લેવા દેવા નથી. એક માહિતી એવી પણ છે કે ૧૯૯૦માં હોર્નને વગાડવામાં આવ્યું ત્યાર પછી જ ઇરાક અને અમેરિકા વચ્ચે ગલ્ફવોર (ખાડી યુધ્ધ) થયું હતું.