દુનિયાના આ દેશોમાં 21 વર્ષની ઉંમરે જ થઈ શકે છે છોકરીઓના લગ્ન; જાણો કયા-કયા દેશો છે લિસ્ટમાં

Image:Freepik 

Girls Marriage age : હિમાચલ પ્રદેશમાં હવે છોકરીઓની લગ્નની ઉંમર વધારીને 21 વર્ષ કરવામાં આવી છે. આ બિલ વિધાનસભામાં પસાર થઈ ગયું છે અને હવે તેને રાજ્યપાલને મોકલવામાં આવ્યું છે. જો આ બિલને રાજ્યપાલ દ્વારા મંજૂરી મળી જશે તો હિમાચલ પ્રદેશમાં છોકરીઓની લગ્નની ઉંમર 21 વર્ષ થઈ જશે.

આ સાથે હિમાચલ પ્રદેશ દેશનું પહેલું રાજ્ય બની ગયું છે, જ્યાં છોકરીઓના લગ્નની કાયદેસર ઉંમર વધારવામાં આવી છે. જો કે હાલમાં સમગ્ર દેશમાં છોકરીઓની લગ્નની ઉંમર 18 વર્ષ અને છોકરાઓની લગ્નની ઉંમર 21 વર્ષ છે. હવે હિમાચલમાં લગ્ન ત્યારે જ માન્ય ગણાશે જ્યારે છોકરો અને છોકરી બંનેની ઉંમર 21 વર્ષ કે તેથી વધુ હશે. બાકી છોકરો કે છોકરી બંનેમાંથી એકની ઉંમર 21 વર્ષથી ઓછી હોય તો તે બાળ લગ્ન ગણાશે અને આ ગુનો હશે. ત્યારે હિમાચલ સિવાય એવા ઘણા દેશો છે.. જુદા જુદા દેશોમાં છોકરાઓ અને છોકરીઓની લગ્નની ઉંમર અલગ અલગ રીતે નક્કી કરવામાં આવી છે. 

દેશમાં 2006થી બાળ લગ્ન વિરુદ્ધ કાયદો છે. આ અંતર્ગત 18 વર્ષ કે તેથી વધુ ઉંમરની કોઈપણ વ્યક્તિને પુખ્ત ગણવામાં આવી હતી.

પાકિસ્તાન

પાકિસ્તાનમાં પણ છોકરીઓ માટે લગ્નની કાયદેસર વય 16 વર્ષ છે, પરંતુ છોકરાઓ માટે તે 21 વર્ષ નક્કી કરવામાં આવી છે. જો કે, સામાજિક અને કાયદાકીય રીતે માન્ય છે કે, 21 વર્ષની ઉંમરે લગ્ન કરવા એ એક સમજદાર નિર્ણય તરીકે જોવામાં આવે છે. પાકિસ્તાનમાં, સામાજિક અને ધાર્મિક માન્યતાઓ પણ લગ્નની ઉંમરને લઈને મહત્વની ભૂમિકા ભજવે છે અને 21 વર્ષની ઉંમરે લગ્ન કરવાને ઘણીવાર આદર્શ ધોરણ માનવામાં આવે છે.

બાંગ્લાદેશ

બાંગ્લાદેશમાં, છોકરીઓ માટે લગ્નની કાયદેસર ઉંમર 18 વર્ષ છે, પરંતુ તેમને 21 વર્ષની ઉંમરે લગ્ન કરવાની સ્વતંત્રતા પણ મળે છે. બાંગ્લાદેશમાં લગ્નની ઉંમર અંગે ઘણા સામાજિક અને પરંપરાગત વલણો છે અને 21 વર્ષની ઉંમરને ઘણીવાર સલામત અને સમજદાર નિર્ણય માનવામાં આવે છે.

થાઈલેન્ડ

થાઈલેન્ડમાં છોકરીઓ માટે લગ્નની કાયદેસર ઉંમર 17 વર્ષ છે, પરંતુ ત્યાં 21 વર્ષની ઉંમરે લગ્ન કરવાની પ્રથા સામાન્ય છે. અહીંના લોકોનું માનવું છે કે, 21 વર્ષની ઉંમરમાં લગ્ન કરવાથી વ્યક્તિ જીવનના મહત્વપૂર્ણ નિર્ણયો લેવા માટે વધુ સારી રીતે તૈયાર થાય છે. થાઇલેન્ડમાં, 21 વર્ષની ઉંમરે લગ્નને સામાજિક અને સાંસ્કૃતિક દૃષ્ટિકોણથી વાજબી અને પરિપક્વ વિકલ્પ માનવામાં આવે છે.

મલેશિયા

મલેશિયામાં છોકરીઓ માટે લગ્નની કાયદેસરની ઉંમર 16 વર્ષ છે. મલેશિયામાં લગ્નની ઉંમર અંગે ધાર્મિક અને સાંસ્કૃતિક માન્યતાઓ જરુરી હોય છે અને 21 વર્ષની ઉંમરે લગ્ન કરવાથી યુવાનોને જીવનના નિર્ણયોમાં વધુ સમજદારી અને પરિપક્વતા મળે છે.

ફિલિપાઇન્સ

ફિલિપાઈન્સમાં છોકરીઓ માટે લગ્નની કાયદેસર ઉંમર 18 વર્ષ છે, પરંતુ આ દેશમાં પણ 21 વર્ષની ઉંમરે લગ્નને આદર્શ માનવામાં આવે છે. આ ઉંમર યુવાનોને જીવનની જવાબદારીઓને સમજવા અને તેને સંપૂર્ણ રીતે નિભાવવાની વધુ જવાબદારી આપે છે. અહીં લગ્ન માટે 21 વર્ષની ઉંમર અંગે સામાજિક અને પરંપરાગત વલણ પણ સકારાત્મક છે.

શ્રીલંકા

શ્રીલંકામાં છોકરીઓ માટે લગ્નની કાયદેસર ઉંમર 18 વર્ષ છે. જો કે, આ દેશમાં પણ 21 વર્ષની ઉંમરે લગ્ન કરવા સામાન્ય માનવામાં આવે છે. આ ઉંમર યુવાનોને માનસિક અને ભાવનાત્મક પરિપક્વતા પ્રદાન કરે છે, જેથી તેઓ લગ્નનો નિર્ણય સંપૂર્ણ સમજણથી લઈ શકે. શ્રીલંકામાં, લગ્નની ઉંમર સંબંધિત સામાજિક અને સાંસ્કૃતિક માન્યતાઓ પણ મહત્વપૂર્ણ છે.

આ પણ વાંચો: છોકરીઓનીલગ્નની વયમાં વધારો, મોદી ના કરી શક્યા એ સુખુએ કરી બતાવ્યુ